Вести › Набрзинка

Бугарија ја тужака Австрија пред ЕУ заради ветото за влез во Шенген

14 јули 2023

Бугарија, заедно со Романија, се жали дека ветото што Австрија им го има ставено за влез во зоната, предизвикало значителна економска штета на земјата, плус огромно загадување од сите коли што чекаат на нивните граници за да влезат во Шенген зоната.
Во резолуција на Европскиот парламент донесена за овој случај во која се осудува начинот на кој Австрија го користи правото на вето, се бара од Европската комисија да направи проценка на штетата, финансиска и еколошка, што Бугарија и Романија ја трпат од јуни 2011 заради „неоправданото одбивање“ да им се дозволи да влезат во Шенген.
Европскиот парламент е потресен и од тоа што ветото било дискриминирачко кон Бугарите и Романците, кои се среќаваат со какви не проблеми, наспроти жителите на Шенген зоната.

9 јуни 2026

Државниот завод за ревизија (ДЗР) изрази неповолно мислење за реалноста и објективноста на финансиските извештаи на Националната установа (НУ) Албански театар – Скопје за 2024 година.
Како и во многу други државни институции, ДЗР и во Албанскиот театар утврдил дека има вработени кои не доаѓале на работа, а примале полна плата.
Театарот го издавал просторот со субјективна проценка: од 10 до 240 илјади денари.
Продавале билети без официјално утврдени цени.
Во текот на 2024 година, 20 отсто од актерите не биле ангажирани. Двајца актери не се ангажирани во ниту една претстава од репертоарите од 2011 односно од 2019 година до денес, а на истите им се исплаќала плата за полно работно време без да биде обезбедена потврда за нивно присуство на работа.

9 јуни 2026

Во време кога границите во Европа ја губат својата физичка смисла, државите почнуваат да се мерат по својата културна присутност. Некои тоа го разбираат рано. Други, за жал, предоцна.
Ова е културолошка борба за културно и идентитетско позиционирање на Македонија на отворената европска сцена.
Македонската интеграција во ЕУ ќе биде поразлична од Словенија и Хрватска, затоа што нашите прашања со соседите се подлабоки. Токму затоа, нашата културна политика во овие процеси мора да биде поамбициозна, поинтелигентна, покреативна и поавтентична.
Ако ние час поскоро не создадеме културно присуство во просторот што ни припаѓа по чувство и сеќавање, некој друг ќе создаде наратив во него.
И тогаш, можеби, нема да се поставува прашањето кои сме. Туку, кој нас нè раскажал наместо нас?