- Опозицијата победи во петте најголеми градови во Турција (Истанбул, Анкара, Измир, Анталија), меѓу другото и во Бурса, градот кој беше погоедн од катастрофален земјотрес.
- Опозициската Републиканската народна партија на Озгур Озул која освои 37,7% или над 17,3 милиони гласови, што е за 2,2% (над милион гласови) повеќе од Партијата на правдата и развојот на Ердоган.
- Најболен за Еероган е повторениот и сега уште поубедлив пораз во Истанбул, неговиот роден град во кој ја започна политичката кариера како градоначалник во 1994 година.
- Актуелниот градоначалник Екрем Имамоглу победи со над 10% разлика и оваа победа го позиционира како човек кој директно ќе се соочи со Ердоган на следните претседателки избори.
- „Се отвора Пандорината кутија“, велат луѓе кои се бават со јавни набавки во една хрватска државна фирма по повод скорешна одлука на Судот на ЕУ.
- Очекуваат тектонски промени во јавните набавки во земјата, особено за големите инфраструктурни зафати кои ги изведуваат државни фирми, откако судот порача дека компании од трети земји кои немаат склопено меѓународен договор со ЕУ, не можат да учествуваат во јавните набавки во земјите од Унијата.
- По тужба на турска компанија која изгубила од австриски конкурент (за железничката пруга Хрватски Лековац - Карловац) , Судот решил дека бидејќи Турција нема договор за слободна трговија со ЕУ, не смее да има пристап кон пазарот на јавни набавки и заштита на правата.
- Полицијата приведе двајца Пензионирани полициски инспектори кои со години работеле како полициски кртови за криминалната група од скопски Грчец.
- Пензионираните инспектори преку третото лице ја информирале криминалната група за активностите на полицијата во повеќе случаи на убиства, киднапирања и планови на полицијата. Во 2019та полицајците во име на криминалната група дури и му се заканувале на едно лице да го смени исказот а неполна година подоцна ги известиле криминалците дека полицијата ќе прави рација поради што и пропадна големата полициска акција против оваа група во јавноста позната под кодното име Планина.
- Не запреле тука. Наредната година ги информирале криминалците и за двојното убиство во скопски Чаир. Им кажале кој се е приведен, што зборувал во полициска станица и кои инспектори го работат случајот. За сите информации биле дебело платени.
