Апдејтирана листа на луѓе обвинети за сексуално вознемирување и слично
14 ноември 2017
Вести › Набрзинка
Рускиот блогер Рибар уапсен во Црна Гора
9 октомври 2026
- Најпознатиот руски воен блогер Михаил Звинчук е приведен во Црна Гора под обвинување за ширење пропаганда и дезинформации од Кремљ.
- Неговиот канал „Рибар“ има 1,5 милиони следбеници на платформата Телеграм.
- Премиерот Милојко Спајиќ изјави дека службите за безбедност реагирале на информациите дека основачот на влијателниот канал може да ја дестабилизира Црна Гора преку кампања на дезинформации.
- Заедно со Звинчук биле приведени и неговата сопруга и уште три лица. Им биле запленети софистицирана дигитална опрема, дронови, електронски уреди и телефони.
- Имале намера да снимат документарен материјал за најавеното усогласување на визната политика на Црна Гора со стандардите на Европската Унија.
- „Попусто нашите луѓе талкаат низ европските земји – дури и со добри намери и важни цели. Всушност, објавен е лов на сите Руси... Не помагаат ниту визи, ниту покани, ниту какви било други гаранции. Секој може да биде уапсен...“, реагира поранешниот руски претседател Дмитриј Медведев и предупредува: „Сега, по сè изгледа, ќе мораме да го надополниме нашиот фонд за размена со европски и американски идиоти за да си ги вратиме нашите луѓе“.
Бесплатни верзии на Фотошоп и друго од Adobe
9 октомври 2026
- Софтверскиот инженер Брендон Томас го лансираше ArtCraft, алтернатива на Adobe Creative Cloud, базирана на отворен код.
- Пакетот моментално вклучува седум апликации, вклучувајќи PhotoCraft (Photoshop), FilmCraft (Premiere) и LightCraft (Lightroom), достапни за macOS, Windows и Linux.
- Томас тврди дека ги развил апликациите, напишани во Rust, со помош на моделот на вештачка интелигенција Opus 5.5 на Антропик и се стреми кон целосен опфат на функциите со алатките на Адоуб.
- ArtCraft е бесплатен, со опционални услуги за надомест.
