Вести › Набрзинка

Англија дига рачна за азил за Албанци

13 јуни 2023

На луѓето кои од Албанија доаѓаат во Англија не треба рутински да им се одобрува азил, заклучи парламентарниот комитет за внатрешни работи.
Во 2021 година преку Ла Манш во чамци им стигнале 800 луѓе од Албанија, лани тој број изнесувал 12.300 lica.
Повеќето од нив порабарале азил, на повеќе од половината им бил одобрен. Некои го надитруваат системот искористувајќи го процесот за решавање околу азилот кој трае и до 18 месеци, за да останат во земјата и да исчезнат од радарот на властите.
„Албанија е безбедна земја и постојат малку причини нејзините граѓани да бараат азил кај нас,“ порачаа британските парламентарци.

* Како функционира шверцот опишавме во „Албанска евакуација од Данкирк“

извор

Бес во Израел заради прекинот на огнот

8 април 2026

„Ова е политички и стратешки пораз! Во целата наша историја, таква катастрофа никогаш не се случила“, го коментира примирјето шефот на израелската опозиција, Јаир Лапид.
Вели дека Бенјамин Нетанјаху не исполнил ниту една цел која си ја имал зададено иако војската направила сè што барал.
Лапид потсетува дека Израел не ни бил вклучен во преговорите и дека на државата „ќе ѝ требаат години за да се опорави од политичката и стратешката штета“ што Нетанјаху ја предизвика со својата ароганција, невнимание и недостаток на стратешко планирање.
Претседателот на партијата Израел Бејтену, Авигдор Либерман, оцени дека ваков договор со Иран значи дека Израел во иднина ќе мора повторно да влезе во конфликт, под потешки услови и по повисока цена.

извор

Одбиен предлогот за ограничување на учеството во странски војни

8 април 2026

Предлогот на пратеничката група на Левица за измени и дополнувања на Законот за одбрана не доби поддршка во Собранието, откако пратениците од СДСМ гласаа против, а пратениците од ВМРО-ДПМНЕ не гласаа.
„Собранието треба да ја ограничи Владата, така што армијата ќе се користи само во мисии со меѓународен легитимитет, одобрени од Советот за безбедност на Обединетите нации“, истакна Реџеп Исмаил.
„Со ова се елиминира можноста македонскиот војник да биде испраќан во геополитички лавиринти без јасен меѓународно-правен легитимитет, како монета за поткусурување во туѓи пресметки“.
Досегашните интервенции на НАТО – од Југославија, преку Ирак до Либија – покажуваат примери на операции без соодветен или залоупотребен мандат. Во образложението беше посочено и дека постои ризик од индиректно вклучување во конфликти преку поддршка, како што е испораката на оружје за Украина, што може да има економски, енергетски и безбедносни последици.

извор