Вести › Набрзинка

Андоновски: Видливост и невидливост

10 март 2026

Нема веќе господа, медиумска ДИКТАТУРА: не зависиш веќе од тоа дали госпоѓата телевизија ќе се сети да те покани или не – сам ќе си се поканиш, сам ќе си се пофалиш. И? Добро ли е тоа?
Јас сум за тоа да се врати елитизмот на некои професии: лекари, даскали, новинари. Кога сум кај елитизмот: кој нормален ќе се побуни против „елитизмот на пилотите“ и ќе побара „демократизација на пилотската професија“? Па зар секој треба, во име на демократијата, да вози авион?
Е па, не е секој СПОСОБЕН ни за во медиум.
Човекот самиот се брендира и насила се прави стока! Луѓето веќе и не патуваат за да доживеат некое место, туку за да создадат фотографија, со која ќе ја одржат видливоста. Видливоста станува мерка за вредност, а тишината или невидливоста знак на социјална маргинализација.
Медиумите од бацили направија колосални општествени фигури, а големите станаа невидливи. Утеха: и Бог, иако е најголем – е невидлив.

извор

Трет смртен случај од западнонилска треска, шестмина се во критична состојба

17 август 2026

Викендот починал пациент со западнонилска треска, со што вкупната бројка на смртни случаи во земјава се искачи на 3. Станува збор за 61-годишен пациент кој имал придружни сериозни заболувања и е од едно од погодените места.
Лабораториски се потврдени 35 случаи со вирусот, а уште тројца суспектни се во процес на дијагностицирање.
Овие шестмина кои се во критична состојба и се лекуваат во Одделот за интензивна нега се на возраст над 60, најмладиот пациент кој е хоспитализиран е 25-годишен, но е во стабилна здравствена состојба.
„Инкубацијата на вирусот е 3 до 14 дена. Сите пациенти се со епидемиолошка анкета и се лоцира дали патувале во странство, дали патувале надвор од местото на живеење внатре во земјата, и каде се движеле. Има луѓе со урбани адреси, но имале и викендичка, и најверојатно во тој период престојувале на овие места, така што во основа сите мерки се насочуваат таму каде што е најверојатното место на заразување. Една од мерките е лична заштита од убоди од комарци, и отстранување на застоена вода во дворови или непосредна околина. Општините каде што е прогласена епидемија сите ќе добијат и СМС пораки со насоки за постапување изработени од Институтот за јавно здравје кои веќе се комуницираат“, кажал министерот Клековски.
За луѓето не постои вакцина, за коњите има (Википедија).