Вести › Набрзинка

Амазон отпушта 18.000 работници

5 јануари 2023

Амазон ги извести вработените дека ќе го скрати платниот список за 18.000 луѓе.
Ова е најмасовно отпуштање во индустријата, откако во последно време отпуштаа и Мета (екс Фејсбук), Снеп и Твитер.
Први на удар ќе бидат луѓето што работат во делот на развој на уреди и книги, но бранот ќе зафати и други сектори.
Наводно отказите биле планирани за нешто подоцна ама целата процедура е забрзана откако протекол меил со информации околу планот за намалување на бројот на вработени.

30 октомври 2025

По пауза од 33 години, САД ќе продолжат со тестирања на нуклеарни бомби, за да се изедначат со Русија и со Кина, објави претседателот Доналд Трамп.
Воените сили редовно тестираат нови проектили што може да носат нуклеарни бојни глави, но не детонирале атомска бомба уште од 1992 година. Претседателот Бил Клинтон во 1996 година ја потпиша Глобалната забрана за нуклеарни тестирања, но таа сè уште не е ратификувана од Сенатот.
„Поради тоа што и другите земји имаат програми за тестирање, му дадов инструкции на Министерството за војна да почне тестирања на еднаква основа. Тој процес ќе почне веднаш“, објави Трамп. „Имаме полигони за тестирање“, додаде претседателот.

Рускиот претседател Владимир Путин пред три дена објави успешен тест на проектил и торпедо со нуклеарни погони, што им дава практично неограничен радиус на дејство, а може да носат и атомски бојни глави. Путин не најави нови нуклеарни тестирања, освен ако САД не почнат први.
Трамп не ги спомна новите руски оружја, но истакна дека САД имаат најмногу нуклеарни бомби, Русија е втора, а Кина е далеку на третото место, но ќе се приближи за пет години. Тој додаде дека е отворен за преговори за денуклеаризација.

29 октомври 2025

Министерството за финансии на САД од листата санкционирани го тргна Милорад Додик, неговото семејство и неколкумина други претставнци на Републиа Српска кои беа санкционирани поради непочитување на Дејтонскиот договор.
Додик му се заблагодари на Трамп и рече дека со ова се исправа неправда која ја нанеле админстрациите на Обама и Бајден.
За него одлуката за укинување на санкциите не е само правна, туку и „морална рехабилитација на вистината за Република Српска и сите оние кои чесно ѝ служат“.

Неофицијално се толкува дека овој пресврт е резултат на спогодба меѓу САД и Додик, тој да ја напушти функцијата претседател на РС и да назначи вршител на должноста откако беше осуден на затвор и забрана за бавење со политика.