- Али Ахмети ги спомнал Алфа и „Телма-мелма“ во контекст на непријатели на Албанците кои аплаудираат на поделбите меѓу нив.
- Димитар Ковачевски е сигурен дека таа изјава Ахмети „ја дал врз основа на одредени факти“, па го кажа и своето мислење.
- „Во државата има медиум чија уредувачка политика повеќе наликува на политиката на една компанија која тргува со енергенси, а има и медиум чија уредувачка политика повеќе личи на уредувачка политика на партиски сектор за комуникација“, оцени премиерот.
- За уредувачките политики на про-владините медиумски чирлидерки нема забелешки.
- На времето Зоран Заев за своои најголеми непријатели прогласи неколку медиуми во земјава.
- Доналд Трамп се пофали дека ја убедил Кока-кола да користи само шеќер од трска во своите пијалаци во САД, наместо од додава пченкарен сируп, како што правела до пред половина век.
- „Тоа ќе биде добар потег. Ќе видите. Подобра е“, порача Трамп на својата социјална мрежа.
- Кока-кола додава пченкарен сируп само во пијалаците што ги продава во САД. Во Мексико, Канада и САД користат шеќер од трска. Исклучок се „Мексиканската кола“ и „Кошер коук“ во кои нема пченкарен сируп.
- На најавата на Трамп реагираше Асоцијацијата на рафинирачи на пченка. „Замената на високофруктозниот пченкарен сируп со шеќер од трска ќе значи губење на илјадници работни места во производството на храна, ќе го намали приходот на фармерите и ќе го зголеми увозот на шеќер, без нутритивна полза“.
- Апелациониот суд Скопје ја одби како неоснована жалбата на Васил Јованов и го осуди на единствена казна од 3 години и 10 месеци затвор поради поседување и трговија со дрога.
- Судот ја преиначи и мерката за упатување во казнено-поправен дом му изрече затворска казна.
- Апелациониот суд во февруари го осуди Јованов на истата казна, но Врховниот суд во мај наложи ново одлучување по жалба на Обвинителството.
- Јованов веќе е осуден на 12 години затвор, откако во јануари со автомобил ја прегази Фросина Кулакова на булеварот „Партизански одреди“ во Скопје. Тој ја призна вината.
