Вардар им се врати на победите и ја совлада Војводина со 25:21 во меч од СЕХА лигата. Капитенот Стоилов уште неодморен од Мундијалот во Египет, се истакна со неговата препознатлива шрауба, секогаш атрактивна за око.

Ракометарите на Данска и Египет го одиграа најлудиот натпревар во досегашниот тек на Светското. Меч кој донесе продолженија, црвени картони, исклучувања и пресврти, на крај го добија Данците на пенали и ќе играат во полуфинале против Шпанија која ја згроми Норвешка.

Општо е познато за спортисти од С. Кореја и некои далечни африкански земји кои големите светски собири ги користат да му ја здувнат и веќе никогаш да не се вратат во родните краишта. Дома ги обвинуваат за дезертерство, а во странство се почитувани и славени. Таква е приказната со двајца Кубанци.

По очајните резултати, игра и пласман, Ракометната федерација на Македонија донесе очекувана и разумна одлука во однос на селекторската позиција на македонската репрезентација.

Јутјуб каналот MP 'TM, е промотор на македонскиот спорт кој ги величи нашите репрезентации и великани како Лазаров, Пандев, Антиќ...Ама тоа го прави на уникатен начин со секогаш одлично скоцкани и моќни видеа. Најновото го наслови како: Kiril Lazarov 7 - Braveheart.

„Говорот на нивното тело беше нешто кое не сум го видел. Никогаш не сум го видел Кире таков потиштен, како да се предаде. Мора да направат подлабока анализа по Мундијалот“.

Македонија се прости од најлошото одиграно Светско во историјата, но Твитерот гори од пофални зборови за нашата легенда која вчера го одигра последниот мундијалски танц. Си замина во голем стил како вистински великан со нов рекорд од неверојатни 500 гола на големите натпреварувања.

Си биле тројца пикери. Столе Стоилов, Жарко Пешевски и Готие Мвумби. Нашиве двајца се шланг за братот од Конго.

Македонската ракометна репрезентација ги заврши настапите на седмото мундијалско учество кое ќе сакаме што побрзо да го заборавиме и по кое ќе мора многу да размислуваме и да работиме како и со кого понатаму.

Иако веќе стана помалку депласирано да се омаловажуваат изданијата на скромниот состав, Македонија вечерва доживеа нов катастрофален пораз. Русија ги искористи сите наши слабости и на крајот славеше со 32:20 (19-9).

Го имаме ли нокаутот број 1 во историјата на Светските ракометни првенства? Не, туку ја имаме перспективата која укажува на такво нешто. Се работи за мечот Унгарија - Бразил. Врвна синхронизација.

Ракометарите на Конго ја победија Ангола во доигрувањето и тоа беше прв триумф во историјата за нив на едно Светско првенство, а нивниот најекспониран ракометар знаеше да прослави.

На Мундијалот во Египет, Русија дојде под казна и санкции од Спортскиот арбитражен суд (CAS) кој до 16 декември 2022 на сите руски селекции во секој спорт им наложи да играат во неутрален статус, без химна, грб и знаме поради сериозни кршења на правилата за допинг. Па решија химна да им биде најпознатата руска мелодија.

Темпераментот на Червар ни е многу добро познат и тој е тренер кој никогаш не е задоволен од своите и секогаш бара повеќе и повеќе. Синоќа Хрватска го декласираше Бахреин со 10 гола разлика, а Червар во еден момент беше толку нервозен што му крена рака на Јагањац.

Данска како еден од главните фаворити за злато на Мундијалот во Египет, продолжува да меле. Синоќа со 32-23 го потопија Катар и имаат учинок 3-0-0 во втората фаза. Пазете како Хансен го заврши првиот дел.

По големиот број заслужени критики кои стигнаа на сметка на Филип Талески, бекот на Вардар конечно, дури на четвртиот натпревар стигна до првите голови на Мундијалот во Египет. Се ослободи и три пати убаво се крена на шут во првиот дел против Словенија.

Македонската ракометна репрезентација со висок пораз од 10 гола разлика ја стартуваше втората групна фаза против фаворитот Словенија. Се забележува напредок во играта и поголема желба и борбеност, но и немоќ против уште еден поквалитетен противник.

Чуварот на голот на Египет Карим Хендави важи за доста темпераментен голман кој не го држи место и лета од клупа откако неговите ќе завршат акција со празен гол. Тоа сè во ред, ама па и со монтаживе се претера нели? Да се исплаши човек.

Велат дека ако можеш да го поминеш него, можеш секого да поминеш. Ама проблемот е што него не можеш да го поминеш.

На Твитер профилот на организаторот на Мундијалот ги ставија сите негови 8 гола против Чиле на едно место и напишаа: 7 е неговиот број. 40 се неговите години. Само застанете и прашајте се. Не тој не е волшебник.

Обично е мирен и ладен на клупа, без покажување емоции, како веќе сè што има за кажување да го пренел во соблекувална. Ама ете, го видовме и нервозен во моментите кога се кршеше мечот со Чиле кога не беа дозволени повеќе киксеви. Така бе Данило, викни им малце.

Гигантот Мавумби е хит на Светското. Даде 4 гола против Аргентина, 4 гола против Данска на Хансен, а во вторник од 18:00 најверојатно за последен пат ќе го гледаме на Мундијалот, против Бахреин кој е огромен фаворит против Африканците.

Македонската селекција е меѓу најмладите на Светското во Египет. Очекуваната смена на генерации денеска против Чиле полека вроди со плод. Младиот Стружанец Ненад Костески (2001) одигра врвна партија со дури пет гола!

Нашиот прв голман Никола Митревски со 14 интервенции беше можеби најзаслужен што ја штиклиравме првата победа на Светското во Египет. Но блескави моменти имаше и Мартин Томовски кој со фатени пенали во 46' и 57' минута ја крена еуфоријата во нашиот состав.