И покрај тоа што одигра неверојатен меч со 35 поени (10/23 од игра), со 9 скока и 6 асистенции а имаше и некои луди бравури, Лука Дончиќ не можеше сам против силниот Феникс Санс. Маверикс водеа 22 поени разлика во првиот дел но Санси направија целосен пресврт преку Девин Букер (27 поени, 9 асистенции), Деандре Ејтон (18 поени, 10 скока) и Камерон Џонсон (15 поени).

Трофејните „бикови“ со триумф ја почнаа новата сезона во НБА. Со 116-108 го победија Мајами Хит. ДеМар ДеРозан очекувано беше прв стрелец со дури 37 поени, 6 скока и 9 асистенции, а голема помош имаше во Никола Вучевиќ кој уфрли 15 поени, 17 скока и 2 асистенции. Горан Драгиќ запиша 12 поени од кои една чудна тројка против неговиот довчерашен тим.

Најозборуваниот кошаркар во НБА изминатово лето, првиот пик на драфтот, Американецот со италијанско потекло Паоло Банкеро имаше сјајно деби во најдобрата лига. За Орландо Меџик на првиот меч против Детриот Банкеро имаше 27 поени (11/18 од игра), 9 скока, 5 асистенции и 2 блокади за 35 минути на паркетот. Последен пат вакво деби (25+5+5) имаше Леброн Џејмс во 2003-та.

Белградските црно-бели добија посебна покана од раководството на Евролига, сезонава да бидат дел од елитниот турнир. После две гостувања, Партизан конечно заигра пред својата публика, во белградска Арена каде гостуваше Милано. Околу 20.000 гледачи потсетија на култната атмосфера која се правеше во Пионир и која придонесе во 2010-та да заиграат на големиот Фајнл Фор во Париз.

Најдобрата кошарка на светот започна нова сезона 2022/2023. Ја отворија дерби средбите Голден Стејт Вориорс - ЛА Лејкерс и Бостон Селтикс Филаделфија. Интересно, сезонава сите 30 франшизи ќе имаат макар по еден странец во својот состав.

Голден Стеј Вориорс со победа ја зачинија церемонијата на доделувањето на прстените и тоа против Лејкерси од 123:109. Ѕвезди на вечерта Леброн Џејмс и Стефон Кари кои заедно постигнаа 64 поени.

Ако денот по утрото се познава, НБА сезоната ќе биде супер атрактивна за гледање. На отворањето Голден Стејт и ЛА Лејкерс одиграа врвен меч, шампионот славеше, блескаа Кари, Леброн и Дејвис. Во Бостон, Селтикс ја добија Филаделфија, а главен актер на мечот беше Џејмс Харден.

Сезоната е број 77 и ќе трае до април 2023-та. Плејоф битките стартуваат на 15 април, а финалето стандардно во јуни. На првите средби Голден Стејт ги совладаа Лејкерски со 123:109, а Бостон славеше против Филаделфија со 126:117. Легендарниот Бил Расел кој има повеќе прстени од прсти на рацете (11 титули во 13 сезони, сите со Бостон), почина летово на 31 јули на 88 години. Селтикси му оддадоа посебна почит.

Во рамки од 3. коло на Јадранската лига, Партизан многу потешко од очекувањата го победи Студентски центар со 91:82. По четири гостувања по ред во Евролига и АБА, Партизан заигра пред своја публика. Во таков амбиент младиот Урош Трифуновиќ рогна еден баскет на крајот од мечот па Жељко му се сипа.

Арапските милијардери откако успешно влегоа во фудбалот, во Формула 1, во турнирите за боречки спортови, во многу други спортови, сега се спремни да направат уште еден чекор и да станат дел и од кошарката.

Кај НБА шампионот баш не цвета цвеќе. На еден од последните тренинзи, 32-годишниот тешкаш Драјмонд Грин со сета сила го нокаутираше 23-годишниот плеј Џордан Пул на очиглед на цела екипа и тренери кои тргнаа да ги раздвојуваат. Причините се нејасни а Грин подоцна јавно и се извинил на екипата.

НБА лигата е уникат по многу нешта. Собир на најдобрите кошаркари на светот. Оваа лига видела сè и сешто, па затоа секоја нова појава мора да има невообичаени карактеристики за да ги импресионира тамошните ѕвезди. Виктор Вембанјама е млад Франзуцин, има 18 години. Игра за францускиот Метрополитанс 92, а деновиве бил во развојната Г-лига на НБА.

Вечерва започнува новата сезона во најдобрата европска кошаркарска лига Евролига. Шампионот на крај ќе добие награда од 1,76 милиони евра, вицешампионот 997.000 евра, а парични награди ќе има и за трето и четврто место. За првпат во историјата Црвена звезда и Партизан ќе играат едни против други во Евролига.

Прилично е дискутабилно дали кога дете тргнува во градинка во Кина се збори: „Нашево нејќеше да остане од прв ден“. Со баскет во рака се повешти и од многу возрасни.

Џовани Симеоне е шпиц од стар ков. Иако има 27 години, тој веќе може да се каже дека е прекален, искусен центарфор кој неодамна дебитираше во Лига на шампиони и дури и даде гол против големиот Ливерпул. Интересна анегдота го следи овој погодок кој ќе го памти цел живот.

Актуелниот НБА шампион Голден Стејт Вориорс во Јапонија се подготвува за стартот на новата сезона. Таму воините ќе одиграат две пријателски против Вашингтон Визардс. Посетата на Јапонија е и запознавање со локалната култура, традиција и обичаи па така најдобрите играчи на Вориорс, Стеф Кари и Клеј Томпсон се пробаа со еден сумо борач. Не можеа да го помрднат од место.

Ветеранот Родриго Паласио (40) беше еден од подобрите аргентински фудбалери во Италија. Аргентинецот после Хуракан, Банфилд и Бока дојде во Џенова (90 настапи - 35 гола), а се прослави во Интер (140 натпревари - 39 голови), Болоња (127-19), Бреша (30-6). За „гаучосите“ има 27 настапи и 3 гола. 

На мечот меѓу Зенит Санкт Петербург и Партизан, во рамки од ВТБ Супер Купот на кои доминантни улоги имаа нашиот репрезентативец Ненад Димитријевиќ и тренерот на ЦСКА Москва Емил Рајковиќ, еден млад дечко во публика реши да клекне на колена и да ја побара девојката. Ама одговорот беше неочекуван...

На женскиот кошаркарски Мундијал, после мечот Србија - Мали кој Србинките го добија 81:66, две кошаркарки од африканската селекција се степале додека српските кошаркарки даваа изјава во микс зоната. Чудна и незапаметена ситуација на женско кошаркарско Светско првенство.

Најдобриот македонски кошаркар од летово премина во руски УНИКС Казан каде ќе има фантастични примања, бонуси и одличен состав.

Публиката во Германија, Италија, Грузија и Чешка, 18 дена уживаше во атрактивна кошарка од која ФИБА сигурно била на маки што попрво да издвои. Атракција до атракција, како НБА да гледаш.

Со триумф на Шпанија над Франција 88-76 во големото финале, заврши 41. издание на Евробаскетот 2022. Гледавме сјајни дуели, интересни средби, јаки битки кои го одржаа логорскиот оган на романтичната европска кошарка.

Кошаркарскиот доктор Серџо Скариоло стана првиот кој ги обединил светската и европска титула. Во 2019-та го крена пехарот наменет за светски шампион, а во неделата вечер по четврти пат стана шампион на Европа со Шпанија. И тоа со играчи кои ретко кои ги слушнал некаде.

Шпанија дојде на Европско без голема галама, беа сместени на 8. место на листата најголеми фаворити за злато. Речиси никој не веруваше дека екипа составена од претежно анонимни кошаркари, засилена со натурализираниот Американец Лоренцо Браун ќе може до самиот врв. Докторот на клупата, Серџо Скариоло ги разубеди сите и покажа зошто е број еден европски тренер во моментов.