Снајперските удари на Енис Барди кој стана хит во Шпанија не се само дарба. На јутјуб се појави видео на кое се гледа како македонскиот репрезентативец тренирал слободни удари на мали голчиња. Ете што значи напорна работа. За сега во дресот на Леванте има постигнато вкупно 5.

Кога по пет одиграни кола триото Бензема-Бејл-Роналдо на конто има вкупно 3 гола пред своја публика, тогаш навистина нешто не фунционира во тимот. Од тренерот до лидерот, сите треба да поработат на подобрување на играта, бидејќи Реал Мадрид во моментов не личи на Европски шампион.

Кога во елиминациски двомеч на првата ќе загубиш 3:0, тоа не е невозможна мисија за враќање. Барем не за Ривер Плејт кој во четвртфиналето од Копа Либертадорес се соочи со таков убедлив пораз од Вилстерман. На реваншот на првакот на Боливија му се случи резил кој во превод значи 8:0. Пет комада им збрца Игнасио Скоко кој од 9-та до 19-та минута постигна хет-трик. 

Кога Леванте добива слободен удар, навивачите ги местат телефоните за снимање. По само пет минати кола во Ла Лига, Барди дочека публиката на Сиутат де Валенсија да грми како хор извикувајќи го неговото име. Неговата мајсторија од два навивачки агли.

Шпанските медиуми не штедат зборови за нашата гордост Енис Барди и пред и по синоќешниот дуел со Реал Сосиедад, а ние не паметиме ваков старт на македонски фудбалер во некоја од најсилните европски лиги. Само Ѕаѕа, Гомез и Меси имаат повеќе голови од него во Ла Лига.

На голманите во Шпанија веќе е и нормално да им се тресат нозете кога играат против Леванте, а на слободен удар се мести Енис Барди. Гол број 3 за македонскиот репрезентативец во Ла Лига и вкупно петти од слободен со се пријателските. Еден од колегите не сакаше да му дозволи да шутира. Чуму? Па најдобар е во тоа.

Сè започнало со интервјуто на ултра-талентираниот млад тренер на Хофенхајм, Јулиан Нагелсман којшто му раскажал на репортерот на Eurosport повеќе отколку што треба.

Статистиката покажува дека Лионел Меси ги има најефикасните први пет кола откако игра фудбал во шпанското првенство. Замислете во моментов има постигнато 9 гола, исто колку цел тим на Реал Мадрид.

Бразилската икона заврши со професионално играње фудбал во 2015-та како фудбалер на Флуминенсе и сега се префрли на футсал во Индија каде ги дроби како мали деца. Натепа веќе 37 години, ама па што се 37 години за него, неговата класа е перманентна. Од хет-трикот, за издвојување е моментов како го прелажа кутрово голманче.

Од четирикратен италијански и европски првак со Милан, капитен на Хрватска и освојувач на трето место, хрватски бог чиј удар стана симбол на востанието при распадот на Југославија, па се до заменин генерален секретар на ФИФА. Животот пишува новели вели Бобан.

Новите копачки на Бакари Сако, репрезентативецот на Мали кој игра за Кристал Палас ги дизајнирал познатиот париски дизајнер Пјер Наваро.

Најпознатиот реге пејач во историјата и најголемиот Јамајчанец на сите времиња, Боб Марли буквално спиел со фудбалска топка под перница. Ја користел секоја пауза на пробите да поигра фудбал а после тешката повреда му забраниле да шутира, но љубовта била посилна.

Откако Пандев, Несторовски, Трајковски и компанија ќе му кажат збогум на фудбалот, целосно ќе се потпреме на големите надежи како Барди, Алиоски, Николов, Елмаз...Паралелно треба да се работи и да се создаваат услови и за најмладите таленти и што е најважно да се внимава да не ни ги лапне некој друг. Во ФК Сарај се кали едно дете по име Адмир Љатифи кое на 10 години гаѓа од слободен удар како да е веќе печен фудбалер. Тоа добро го знаат и неговите врсници од Шалке и Атлетико Мадрид.

Гостинскиот триумф на Милионерите против Хамбург не е обичен триумф. Тој им донесе два рекорди, едниот клупски, а другиот Бундеслигашки кој не му успеал ниту на еден Баерн.

Иако противникот се вика Бартон, а натпреварувањето Лига Куп, сепак тоа што е убаво за око е убаво, па нека им служи како еден вид воигрување за со појаки екипи. Акцијата ја красеа брзи, точни и прецизни додавања, по некоја финта на Марсијал и завршница на Џеси Лингард. Инаку Јунајтед славеше со 4:1.

Никола Боранијашевиќ од Напредак Крушевац е добитникот на најглупавиот црвен картон во историјата на фудбалот. Доби жолт картон против Партизан затоа што многу се мислеше додека изведува аут, па потоа доби уште еден поради приговор. Баналната одлука беше на извесен Новица Ангеловски, веројатно наш според името и презимето.

Повеќе од 200 луѓе е досегашниот број на жртви во катастрофалниот земјотрес кој го зафати Мексико. Има урнати згради, училишта, патишта, а погоден е и стадионот кој е дом на селекцијата на Мексико.

За 1. октомври во Каталонија е планиран референдум за отцепување од Шпанија. Што ќе се случува тие денови и како после него ќе живеат Барселона, Еспањол, Жирона и 20 други каталонски клубови - не знае никој.

Торстен Матушка кој игра во четвртата германска лига изведе малку поинаква варијанта на паненка и ги предизвика Пирло и другите храбри пеналџии да пробаат вака. Делува малку ризично бидејќи топката оди некако многу бавно, ама па се дотркала до гол.

Фудбалерите на Ливерпул синоќа се простија од Лига Купот каде беа елиминирани од Лестер. Партија за НЕпаметење имаше Алекс Окслејд Чемберлен кој делуваше како изгубен во време и простор.

Постигна хет-трик против Еспањол, па два против Јуве, па синоќа четири против Еибар и кој знае кај ќе му биде крајот. Неговата ефикасност е глупаво да се споредува со други играчи, па ајде да видиме како таа изгледа со цели екипи.

Поимот фудбалски навивач по дифолт на многумина им значи џаболебар, човек без школо, некултура и слично но има примери кои го докажуваат спротивното. Таков пример доаѓа од Германија.

Добро е, не сме имале само ние проблеми со полнење на стадиони, ете и една Барселона знае да се соочи со такво нешто. Синоќешниот меч против Еибар им е најнепосетен во последниве 6 години. Ама кај нив тоа се случува само со неатрактивни противници.

Нашиот репрезентативец Езџан Алиоски го постигна вториот гол во пенал серијата на мечот Барнли - Лидс од англискиот Карабао Куп (Лига Куп). Интересно е што по крајот на регуларните 90 минути (2-2), полицијата проценуваше која трибина зад головите е помалку ризична од навивачите за да се изведуваат пенали.