Меси и Роналдо потивко, 2017-та е за Хари Кејн

Скоро секогаш кога Тотенхем води, меѓу стрелците мора да го има Хари Кејн. Гол машината денеска се надмина себе си и другите. Стана најдобар стрелец во период од една година во историјата на Премиер лигата и најдобар стрелец во Европа за 2017-та.

Тотенхем има водство од 2:0 на полувреме против Саутемтон во првиот меч на Боксинг деј во Премиер лигата. За стрелецот е грев да се праша. И два гола се дело на Хари Кејн.

Со првиот стигна до 37 погодоци во Премиер лигата со што го сруши рекордот на легендарниот Алан Ширер кој во 1995-та имаше постигнато најголем број на погодоци во една календарска година. Исто така се израмни со Меси кој годинава има 54 гола, а Роналдо, Кавани и Левандовски по 53.

Ама тоа не е сè. Кејн со вториот погодок стигна до 38 годинава во Премиер лигата и вкупно 55 на сите натпреварувања, што значи дека е стрелец број 1 во Европа за 2017-та. Дали ќе остане на 55 погодоци, ќе видиме во второ полувреме.

Кејн оваа година има седум хет-трикови.

Честитки од Ширер

Едит:

Тотенхем победи со 5:2, а Кејн даде уште еден гол во второ полувреме, вкупно 56-ти годинава. 

Тоа му го донесе осмиот хет-трик оваа година. Е не е нормален.

26 декември 2017 - 14:37

Штета ако сте пропуштиле

Кој победи на 9-ти мај?

Ви мириса од уста а секс не ве занима?

Женски шовинистички свињи

Да, постои "мамурлак од луѓе"