Аргентина синоќа го заврши полуфиналето со 64% посед на топка и 15:5 во удари. Во второ полувреме тие бројки изгледаат вака: 73% посед и 13:4 во удари. И сега внимавајте. Кејн и Белингем, немале ниту еден допир со топка во противничкиот шеснаесетник. Зборуваме за носителите на пласманот на Англија во полуфинале.

Со прополис одма е подруго :)

Хари беше хит со гласот после мечот со Мексико. Џо Харт: Така е кога имаме лидер кој дише со екипата во секоја минута. Вејн Руни: Најјакото интервју што сум го гледал.

Хари Кејн на 32 години е во пикот на кариерата. 73 гола има сезонава за клуб и репрезентација. Страшна бројка. Втор стрелец е на Светсково со 6 гола, само еден зад Меси, Мбапе и Халанд. Погледнете го како ја запели после дегажман на Пикфорд преку цел терен. Луд е дечкото.

Најјакото интервју кое ќе го слушнете на Светсково. Рикаме на работа.

Англија по исто сценарио како Бразил, избегна мундијалско фијаско. Конго го чуваше водството од 7 до 75 минута, а потоа на сцена стапи незапирливиот Кејн кој за 11 минути го реши противникот за конечни 2:1. На 5 јули играат против Мексико.

Можеби сте биле веќе задремани на фотеља, бидејќи ова беше во последните минути од мечот, некаде пред полноќ. Човекот кој игра во животна форма, ја имаше Гана во свои раце.

31 настап во Бундеслига - 36 гола или 51 настап на сите натпреварувања - 61 гол. Неверојатно. А да се само головите. Погледнете до каде се враќа.

Хари Кејн го стигна рекордот на Роберт Левандовски од 55 гола за Баерн Минхен во само една сезона. Легендата на Тотенхем со 280 погодоци, направи растур систем откако го облече дресот на германскиот гигант. Стигна до страни 140 гола во само три сезони или 44, 41 и 55, со шанса да се издвои сам на вечната листа со оглед на тоа што има уште три кола до крај.

Ај што им донесе експлозија во напад со 44 гола во првата сезона, 41 во втората и 54 во третата која сè уште не е завршена, погледнете ја оваа негова борбеност. Вилијам Пачо го собори на земја и тоа се послужи и со рака, а овој не се пожали, туку ја загради топката ВО СЕДЕЧКА СОСТОЈБА, стана и ги направи мајмуни и него и Маркињос. Друг да беше ќе се виткаше на земја.

Гол машината Хари Кејн меле сезонава. На Аталанта синоќа им даде два комада, еден од пенал, еден од игра. Едноставно си поигра со двајцата чувари. Има 10 во ЛШ на 9 меча и 30 во Бундес на 25 средби. Страшен просек држи сезонава на сите натпреварувања од 47 гола на 39 меча. Синоќа стана и прв Англичанец со 50 гола во ЛШ.

Баерн Минхен сезонава се чини ќе се прошета до титулата. По 15 кола има 41 бод и е без пораз со 13 победи и 2 нерешени. Втора е Борусија со 32 бода, па следуваат Баер и Лајпциг со по 29. Кејн прави попара во напад. 19 гола има само во Бундес и вкупно 30 на 25 натпревари. Погледнете го како лесно ги реши двајцава во шеснаесетник.

Налетавме на фото приказ, каде стојат по шест репрезентации, на кои четворицава господа им дале најмногу голови во кариерата. Во однос на шегата од насловот, само Кејн ја затресол мрежата на Македонија, два пати, а Левандовски и Роналдо играле по два пати, ама не биле стрелци. Ниту па Халанд, ама тој не ни играл против нас.

Ај за Хари Кејн оценката е очекувана, 23 гола има дадено до сега оваа сезона, исто и со следните тројца под него. Но на 40 години, во тешка лига каде многу се мисли на одбрана, да држиш ваква оценка, треба стварно да си феномен. Во топ 5 е дечкото. Капа доле мајсторе.

Напаѓачите на Сити, Баерн и Реал се гол машини кои газат сезонава. Норвежанецот и Франузинот имаат по 18 гола на сите натпреварувања, а Англичанецот 22. Интересен факт од ЛШ, каде имаат неколку идентични бројки, како на пример број на голови, а Халанд и Кејн дури и ист број на удари.

Далеку сме од средина на сезоната, а Хари Кејн веќе има фасцинантна бројка од 20 гола по само 12 одиграни натпревари сезонава. Никој не успеал да дојде толку брзо до таков учинок. На Роналдо му биле потребни 13 меча, а на Меси 17.

Најнормална работа е кога Баерн Минхен победува, Хари Кејн да биде меѓу стрелците со минимум еден гол. И викендов стрелаше на гости против Ајнтрахт и сега на конто има 18 комада постигнати на само 10 меча. Рене Мариќ му е асистент на Компани. Погледнете му ја реакцијата.

Статистичарите на Баерн и Бундеслигата, имаат и допрва ќе имаат полни раце работа со Хари Кејн. Преклани го купија, а му фалат уште два гола за јубилејни 100. Страшно нешто.

Откако летото 2023 година замина во Баерн, ниту еден фудбалер не постигна повеќе голови во ЛШ од него. Зад неговата бројка од 21 гол моментално се Мбапе, Рафиња, Халанд, Левандовски. Фудбалската планета е свесна за тоа што Хари Кејн го носи во Баерн, а во исто време постигнува 30+ голови, како од шега.

На Баерн Минхен не им треба многу загревање и кога ќе им тргне, не знае човек на што е. Во прво коло го пречекаа Лајпциг и го испратија дома со 6 парчиња. После деби голот во Супер Купот против Штутгарт, Луис Диаз дебитираше со гол и во Бундеслигата, а уште два во прво даде Олисе. Предноста во вториот дел ја дуплираше Хари Кејн со три гола од 64-та до 78-ма минута.

Океј, Ливерпул, Баерн и ПСЖ предвреме завршија работа и направија да спласне жарот во тие три лиги. Обрнете внимание на овие топ 5 успеси на сезоната кои имаат посебен шмек. Може и Тотенхем да влезе во ова друштво, ако во среда го победи Манчестер Јунајтед во финалето од ЛЕ. Нив последниот трофеј им е во Комјунити Шилд 2008-ма.

Се искина од давање голови. Има 337 клупски од кои 280 за Тотенхем и 71 за репрезентација. Дури шест финалиња има загубено овој човек во кариерата. Две во Лига Куп и едно во ЛШ со Тотенхем, едно со Баерн во Супер Купот на Германија и две со Англија на ЕП 2020 и 2024. И на крај дочека да се израдува на трофеј на 31 година, после 15 години кариера и куп врвни партии и голови.

Напаѓач со 76 гола на 82 меча не е за давање. Работава, да го научиме германски и да го задржиме до пензија. Само уште трофеј му фали во кариерата, бидејќи на 31 година се нема израдувано на ниту еден, а има одиграно вкупно 6 финалиња.

Тенко е со голови засега во Лига на шампиони, ама барем има што да се види. Баварците водат 0:2 на гости против Селтик, благодарение на бомбата на Олисе и волејот на Кејн. Квалитетни погодоци.