На денешен ден пред точно 16 години се случи едно од најголемите фудбалски изненадувања кои Македонија ги има направено во својата историја. Тие ти вадат среден ред со Бекам, Сколс и Џерард, а ти ги утепуваш со гол од корнер.

Норберт Елгерт е тренер на младинците на Шалке и човек од кого за фудбалот и општо за животот научиле многу фудбалски ѕвезди меѓу кои Месут Озил, Мануел Ноер, Лирој Сане, Сеад Колашинац, Јулијан Дракслер.

Во денови кога некои читатели ни ја расипуваат забавата со македонска репрезентација, која инаку се забавува со противниците за кои таа не е крива што со нив ја сместиле во група, решивме малку да се пошегуваме со насловот.

Вечерва во Брисел репрезентациите на соседните земји Белгија и Холандија ќе се сретнат по 127. пат во својата долгогодишна историја а дуелот го следат неколку занимливости.

Хрватите лани му стегнаа затворска казна на Здравко Мамиќ од шест и пол години за финансиски малверзации со трансфери во Динамо Загреб. Арно ама ден пред да ја соопштат пресудата будалата фати штрафта за БиХ, бидејќи има и босански пасош. Исто така таму има и пријатели кои го канат на свадба, па Хрватот се наоѓа во Босна и лумпува на српски песни со откопчана кошула.

Македонската фудбалска репрезентација денеска со почеток од 18 часот го игра четвротото коло од Лига на нации во кое ако оствари триумф ќе го потврди лидерското место во групата по што ќе следува плејоф за пласман на ЕП 2020. На капитенот ептен му лежи оваа селекција.

По подолго време фудбалската репрезентација на Бугарија сериозно конкурира за пласман на едно големо натпреварување. Но сметките им ги замрсува Норвешка против која играат вечерва на гости.

Откако конечно заигра професионален фудбал, најбрзиот спринтер на светот почна да дава и голови, па го привлече вниманието на некои малку од малку посериозни клубови.

Кога Џенаро Гатузо треба да раскаже случка од минатото, ако зборува треба да се претвориме во уши, ако ја пишува тогаш во очи. Нема шанси да не е интересна.

Со двата гола на Џеко, селекцијата на БиХ ја совлада Северна Ирска на синоќешните средби од Лига на нации. Но голгетерот на Рома, сепак заслужи да запише хет-трик. Погледнете што смислија од слободен удар со Пјаниќ. Реал и Барса го немаат направено ова.

Име: Телмо. Презиме: Кастањеира. Клуб: ЦД Трофенсе од португалското фудбалско подземје. Гол: За наградата „Пушкаш“.

Што време дојде да не може човек да сподели радосна вест за фудбал, а во прашање е македонската репрезентација, друга немаме. По десеттиот меч без пораз во низа, ете ти нов проблем. Слаби биле противниците.

Го држеа на клупа со месеци и Алкасер не можел веќе да издржи затоа што без играчко време не бил среќен па решил да замине од „Камп Ноу“. Се испостави дека одлуката да потпише со Дортмунд беше неверојатна затоа што Пако руши рекорди во Германија.

Се вика Ариел Харуш и брани за изралски Хапоел Бер Шева. Синоќа против Албанија во Лига на нации прво направи неверојатна парада и спаси чист гол, а после неколку секунди му асистира за гол на шпицот Томер Хемед. На крајот Израел победи 2:0 и со 6 бода се осамостои во група 1 од Лига Ц.

Можеш да напаѓаш, да се мачиш цело време за да не загубиш, ама џабе ако немаш вакво голманче со голгетерска жичка. Отиде во напад и замислете го спаси својот тим од пораз во последна минута, ама со ножички. Видеото е од нисколигашкиот белгијски фудбал.

Со 17:6 во удари и 68% посед на топка, Италијанците предводени од Роберто Манчини синоќа доминираа во Полска. Тие ја имаа и акцијата на колото која навистина штета што не резултираше со гол. Опасноста пред својот шеснаесетник ја решија за секунда и со два долги и прецизни пасови направија трансформација во напад. Фантастично одиграна акција во 10 додавања.

Додека во саботата вечер нашите репрезентативци се загреваа за да го потопат Лихтенштајн, во Ерменија се случи најсензационалниот резултат во Лигата на нации. Победи земјата која има жители колку што собира Филип Втори.

Репрезентацијата на Холандија со 3:0 ја згроми Германија, најави дека полека се враќа на голема сцена а воедно ја продлабочи кризата на Германците која почна пред Светското.

Мечот меѓу Унион Санта Фе и Гимназија Ла Плата во аргентинската Супер лига беше накратко прекинат откако едно куче реши да се испружи на теренот. Како и од каде влегло би требало да знаат редарите.

По долгата серија без пораз во еден кризен период, незапамтен со децении, синоќа Аѕурите конечно заиграа добар фудбал и на гостувањето против Полска се извадија со победнички гол дури во 92-та минута. На дваесетина минути пред крај, Пољаците ја имаа шансата на мечот кога по една контра на Левандовски, Донарума спаси чист гол, а потоа Милик имаше локум топка, но ја опали над гол.

Пјер Компани е нов градоначалник на бриселската општина Гансхорен. Таткото на капитенот на Белгија и Манчестер Сити на локалните избори бил кандидат на Хуманистичкиот демократски центар а на изборите победил со освоени 39% од вкупниот број гласови. Пјер воедно стана и првиот црномурен градоначалник во историјата на Белгија. Пред неколку години син му стана првиот црномурен лидер на фудбалската репрезентација.

Црногорците ја декласираа Литванија на гости во Лигата Ц со 1:4, а домаќините во финишот од средбата го постигнаа почесниот погодок, ако ништо друго барем за ќеиф на душата и уживање за публиката. Ножичките толку беа добри што се изначуди и еден од колегите кој му честиташе.

Македонската фудбалска репрезентација ги меле противниците во групата од лигата Д и се повеќе се наметнува како сериозен кандидат за пласман на ЕП 2020. Вечерва на Филип Втори беше мераци да се гледа фудбал. Си ги работеа како сакаат.

На точно 25 години од одигрувањето на првиот меч од осамостојувањето, првата фудбалска селекција се собра за да го одбележи големиот јубилеј. Мечот од Лига на нации меѓу Македонија и Лихтенштајн се поклопи на ист датум. (13 октомври 1993 - 13 октомври 2018)