Годините му летаат, тренерите му се менуваат, но тоа нема никакво влијание, бидејќи во прашање е искуство, желба, знаење, а во случајов и многу среќа кај капитенот на Македонија кој не се дава и на клупско и на репрезентативно ниво.

ФА Куп важи за најстаро фудбалско натпреварување во светот кое се игра 149 години. Кој знае што чуда од голови паѓале низ историјата. Ние како сведоци на денешницата го издвојуваме овој бомбастичен еврогол кој го постигна денеска фудбалерот на Ротерам, Кајл Васел на дуелот против Хал.

Барди влетува на втора и ја кова поштено. Шансата на прва изгледа на чист гол, ама Јан Облак со крајни напори спасува со една рака. Сето ова се случува на мечот Атлетико - Леванте при резултат 2:1 и тоа во 93-та минута. Неверојатно.

Ти оди лево, ти десно, вие двајца бркајте позади, а ти со мене во напад. Ете тоа е Ибра кој уште на првиот собир на подготвителен меч со Милан се постави со своето големо искуство и авторитет. Два месеци и кусур нема одиграно натпревар, а веќе даде гол и направи асистенција.

За четири и пол сезони ги однесе во седум финалиња. Од нив освои три и тоа сите во 2019-та со кои стигна до историска тројна меѓународна круна, што не му успеало на друг англиски клуб. Голот во финале носи посебна емоција, а навивачите на Ливерпул уживаа во вкупно 9 откако ги води Германецот. Три се на Мане.

2014: Кое ли е детево што вака му го испи мозокот на противникот со Нејмар, Фалкао, Рикардињо или каков и да е потег? 2019: Трансфер во Јувентус за 35 милиони евра.

Имаат квалитет, игра, хемија, а за желба да не збориме. Добија и Лига преку која патот е најреален. Докажаа дека можат да одат по него, но мора да го изодат до крај, а тоа се ближи. 26-ти и 31-март ќе дојдат многу брзо.

На денот кога можеби го направи последниот трансфер, одиме 19 години во минатото со една куса анегдота која ја раскажува самиот Златан. Ова е голема потврда колку значел уште тогаш, ама и колку клубот што го купил бил принципиелен. Сите морале да го видат.

Периодот околу Нова година и верските празници е време за нови почетоци и простувања, ама така не мислеле и во затворот во Сиенегиљас, град во Мексико.

И покрај тоа што веќе беа да го видат и го блокираа аеродромот од каде едвај го извлекоа, навивачите на Милан и денеска се во еуфорија за кам бекот на Златан кој имаше презентација на која го подигна дресот со број 21.

Фудбалерите на Ливерпул синоќа го совладаа Шефилд Јунајтед со 2:0 со головите на Мане и Салах и постигнаа неверојатен успех - победничка серија која трае цела една календарска година.

Многу ќе беше подруго сега да пишувавме наслови од типот: Македонскиот репрезентативец Дејан Кулушевски направи сензационален трансфер во Јувентус за 35 милиони евра на само 19 години, ама јебига. Останува само да утврдиме што дете сме испуштиле. Нека му е со среќа.

Сезонава многу често се зборува за судиски грешки во Англија кои се поврзани со сомнителни ВАР одлуки. Но во трета лига нема видео повторување, ама затоа има судија кој подзаборавил на правилата.

Бидејќи деновиве е ИН да се прават споредби 2009-та со 2019-та, да ѕирнеме и малку статистика на таа тема, ама опасна. Ете до колку се мрднати овие двајца. Кој ли ќе ги стигне нивните дострели со кои ги поместија границите во фудбалот?

Брајсон Рафаел со страшен полу-волеј постигна гол за неговиот Азам против Сингида Јунајтед на гости. Ако кај нив тоа на гости значи нешто со оглед на полу-празните трибини.

После пола година Вејн Руни одново игра во англиски клуб, овојпат на ниво подолу од Премиер лигата. Во Дерби Каунти дојде како играч-помошен тренер кој ќе му помага на Холанѓанецот Филип Коку.

Точно е дека Меси имаше нова извонредна сезона со 50 погодоци, ама Левандовски 2019-та ја заврши со 54. Пољакот е ненаситен и оваа година и само сезонава која е до пола има постигнато 30 комада. Баерн Минхен се обиде да ги издвои најубавите и најважните за изминатата година.

Поранешниот судија од Премиер лига Роберт Медли конечно, после скоро 6 месеци, реши да раскаже за причините поради кои го отпуштиле од работа во август минатата година. Направил моронска шала, ама доблесен е да признае и да се извини.

И тоа добро го играат, не само ради реда. Со многу осет за топка, за простор, за спротивната страна. Секоја чест. Играат далеку подобро од некои машки.

Клоп, со неговите помошници и уште 12-13 играчи се собрале на првиот тренинг во Новата година. На Питер Кравиц, еден од помошниците на Клоп, на 31 декември му било роденден. Работат заедно уште од времето кога Јирген беше во Мајнц. На барање на Клоп, секој играч на својот јазик ја испеал Happy Birthday а меѓу нив и новото засилување, Јапонецот Минамото.

Збудалени се од среќа затоа што им доаѓа на помош ѕвезда со која го освоија последното Скудето, даде 56 гола за две сезони (2010-2012), држи форма на 38 години, има реноме, авторитет, волја за надигрување во секоја средина и што е најважно желба да се врати како што вели тој дома.

По седум години Златан Ибрахимовиќ направи кам бек на Сан Сиро, каде во оваа очајна состојба за клубот со душа го чекаат за да им помогне. Изјави дека се враќа дома, а на аеродром го пречека Ѕвонимир Бобан со кој на писта ја врзаа малку и на српски.

Во екот на хитот „10 years challenge“ најпознатите фудбалери од Велика Британија постираа фотографии од тоа кај биле и какви биле пред 10 години и фотографии од денес. Цепки.

Невозможно е да се направи пресек на годината од сите можни евроголови, автоголови, потези, смешки и сл. кои се случија во 365 дена. Ама затоа имa ствари кои се уникатни сами по себе и не може да се повторат, освен ако не реши така некој судија кој е ќор, односно ќар има од тоа.