За било кој играч ова е ќеифско голчиште, а не па за бекче кое обично има задача да држи игра странично и да нафрла. Слободан Урошевиќ од Партизан на гостувањето против Гент влезе во филмот на Луис Фиго.

„За победа во Дортмунд потребни се мадиња“, напиша Душан Тадиќ на Твитер после голот и пресвртот. А за вака да се појавиш ден потоа во тренинг кампот на Ајакс, што се потребни? :) 

ПСЖ синоќа остана без триумф на гостувањето против Лајпциг во судиското продолжение, ама и бодот не е лош, со оглед на тоа што Џиџо Донарума одбрани пенал. Тоа сè океј, него што му беше со чуднава реакција кога непотребно го напушти голот? Имаше двајца негови играчи од кои едниот ја собра топката против еден.

Веќе некое време хит при изведување слободни фрлања е еден да лежи позади живиот ѕид, за да се покрие дупката која ќе се отвори откако ќе скокнат сите. Онаа што ја погоди еднаш и Тони Мицевски на Градски против Турција. Епа во Интер таа тактија знаат да ја користат и во игра.

Милан и Порто одиграа сосема добар натпревар со неколку шанси на двете шанси. На крај поделија по бод (1:1) што повеќе им одговараше на гостите кои обезбедија најмалку Лига Европа на пролет.

Јужнокорејската мегапопуларна серија „Squid Game“ и натаму е прав хит на друштвените мрежи. Интересно видео на темата направил и италијанската сензација на Тикток Каби Ламе кој во своето ново видео ја игра улогата натпреварувач а чувар му е погодувате кој.

Триесет и осум годишниот холандски судија Дани Макели синоќа на дербито Ливерпул - Атлетико Мадрид одржа лекција како треба да се суди.  Во 36' минута додека домаќинот води 2-0, тргнуваат во контра, Бразилецот Филипе прави фаул кој реално е за жолт картон. Судијата го вика еднаш, го вика втор пат, го вика трет пат, а овој се прави наудрен и си мести штуцни. Епа кога си фраер, ќе одиш на туширање, му порача Макели.

Ајакс прво ја понижи Борусија Дортмунд во Амстердам со 4:0 кога Халанд се повреди на тој меч, а на реваншот Германците не се одмаздија, напротив изгубија 1-3 иако водеа 1-0 скоро до 72' минута. Во првиот дел од мечот Матс Хумелс доби црвен картон буквално за никаков контакт со Бразилецот Антони.

Специјалниот почна мангупски да се однесува и на социјалните мрежи. Неодамна објави фотографија како јаде на тротоар откако доби црвен картон, а сега пецка за спорни ситуации.

Откако се крена голема врева за тоа што на изминатиот меч во Мадрид, Јирген го чекаше Чоло неколку минути да се поздрават после натпреварот, ама овој само истрча брзински под соблекувална и не пружи рака, па после објасни дека нема пракса да се поздравува, Клоп ја сфати пораката.

Фудбалерите на Интер обезбедија три важни бода од гостувањето кај незгодниот Шериф Тираспол кај кого во составот го немаше нашиот Николов кој паузира поради повреда. Ајакс и Ливерпул искористија предност од играч повеќе и славеа важни триумфи.

Фудбалерите на Милан го освоија првиот бод во групната фаза од Лига на шампиони но тоа нема да им значи многу затоа што ривалите веќе се одлепија бодовно. Реал во Мадрид одигра доволно за нови три бода и лидерска позиција во групата со Интер и Шериф.

Секоја чест за Кристијано Роналдо кој ги држи рекордите по број на настапи и голови во ЛШ, ама има и други момци кои сериозно растураат. Таков е Пољакот, ѕверотина со германски менталитет на кој специјалност му е да даде гол. Кога сака и против кого сака.

Скоро секој фудбалски клуб има некоја маскота во соблекувалната задолжена за циркуси. Во Челси тоа е еден лик кој освен што е масер и ги релаксира фудбалерите со масажи, тој ги смее до солзи со заразна насмевка. Скоро две децении е на „Стемфорд Бриџ“.

Паралелно со Лига на шампиони, синоќа се играше нисколигашки фудбал во Англија. Кембриџ Јунајтед го совлада Моркамб на гости со 0:2, а внимавајте што успеа да изрежира фудбалерот по име Бен Ворман, роден 2001-ва. Сам свој мајстор и тоа и прием и гол со истата нога. Неверојатен потег.

И покрај тоа што имаа 4:2, германската машинерија бараше петти гол во финишот против Бенфика. Вртеа полека на нивна половина, кружеа, ама нешто да им одеше, па ја вратија на голман. Ама голманот им се вика Мануел Ноер, човек кој многу љуби да игра понапред. Шах - мат и тоа на прва.

Челси одигра убедлив фудбал во Шведска против Малме ама славеше само со 0-1. Можеше да биде повисок триумф ако искористеа макар една од многуте шанси. Ко на пример оваа на Пулишиќ во последна секунда од мечот.

Светскиот и европски шампион кој со Шпанија и Барселона освои сè што може да се освои, има една маана, а тоа е да глуми на теренот. Во еден момент од мечот со Динамо во Киев во Лига на шампиони падна па се вртеше во земја ко да е повреден, ама кога Динамо освои посед, веднаш стана ко ништо да не било.

Чудни и несфатливи се на моменти критериумите за тоа дали и кога е потребна ВАР снимка за да се прегледа спорен момент. Токму поради една таква ситуација, Аталанта е оштетена и остана без победа во судиското продолжение. На голот на Роналдо му претходи апла играње со рака на Мејсон Гринвуд, кој потоа од рака си ја мести на нога и ја прави клучната асистеција за реми.

27 гола паднаа вечерва во Лига на шампиони. Секоја чест за слободните удари и општо голчиштата од далеку, ама овој пат признанието за гол на вечерта оди без конкуренција кај Гнабри.

Фудбалерите на Аталанта ја делеа мигови од одмазда и голема победа над Манчестер Јунајтед, но радостa им ја спречи кој друг ако не Роналдо со гол во 91-ва минута за конечни 2:2, кој патем беше двоен стрелец. Хет-трик на Левандовски, рутинска победа на Јуве и важни 3 бода на Барселона благодарение на Фати.

Македонскиот репрезентативец Ердал Ракип беше стартер за Малме против актуелниот европски првак кој го доби гостувањето во Шведска со 0:1. Волфсбург му врати на Салцбург за поразот во претходно коло и изби на второто место во групата Х пред Лил и Севиља.

Не добива секој привилегија да ги води Јувентус, Челси и Интер, па уште и да им донесе 8 трофеи. Шампионско портфолио кое тежи и кое тешко го остава мобилниот без повици. Го повикаа назад во Премиер лига, каде Тотенхем му стокми 18 месечен договор и плата од 13 милиони фунти. Абе да не може да одмори човек.

Барса конечно се ослободи од Роналд Куман кого навивачите го тормозеа зошто екипата покажа мизерни резултати. На негово место дојде некогашниот лев бек на Барса, Серхи Бархуан, а под негово водство во саботата одиграа само 1:1 со Алавес. Мечот го одбележи една тревожна сцена пред крајот на првиот дел кога на Серхио Агуеро наеднаш му стана лошо и се држеше за гради.