Го најавуваат како најплатен спортист на планетата за кој италијански клуб нудел за тоа време, огромни 3 милиони долари. Гостувањето му е во шоуто на Џони Карсон, две години пред да потпише за Њујорк Космос. Пеле кубури со англискиот, ама затоа повеќе ќе се снајде со топката.

На мечот меѓу Виетнам и Индонезија кој домашните го добија 2:0 во рамки од азискиот шампионат, фудбалерот на Индонезијците, натурализираниот Холанѓанец Марк Клок изглуми за награда глума на годината. Од оваа глума произлезе и гужва која за малку ќе отидеше во отворен хаос. А судијата препозна глума па не досуди никаков фаул.

Португалецот ќе го златат со злато во Ријад. За двегодишен договор треба да земе „камиони полни пари“. Веќе се навикнува на тамошните тренинзи во новиот клуб за кој наскоро треба да дебитира, а навивачите веќе смислиле како да го бодрат.

Во ноември 2010-та силниот Интер, само неколку месеци откако со Мурињо ја освои историската триплета, доаѓа на стариот добар „Вајт Харт Лејн“ во Лондон. Во дуел од Лига на шампиони. За Интер уште играа нашиот Пандев, Ето, Снајдер, Киву, Занети, Лусио и други ѕвезди. Но на овој меч се прослави еден млад фудбалер на Тотенхем.

Се работи за меч од групната фаза во ЛШ пред 13 години, на кој Пандев играше за Интер, а Модриќ за Тотенхем. Се појавува млад, надежен, екстра брз и експлозивен бек кој после овој настап станува напаѓачко откритие за кое Реал три години подоцна ќе плати 100 милиони евра.

На 31-ви декември, Депортиво Ла Коруња, некогашниот шампион на Шпанија кој палеше и гасеше по Европа, објави за трансфер на Лукас Перез. Центарфорот потпишал шест месечен договор до крајот од сезоната.

По само 13 натпревари и 3 гола за Лос Анџелес во МЛС каде ја освои титулата, Герет Бејл неочекувано стави крај на кариерата на 33 години. Ја стартуваше во Саутемптон (2005-2007), почна да гази во Тотенхем (2007-2013) и потоа блесна во Реал Мадрид каде направи 100 милионски трансфер.

Со победите во 91-ва против Салернитана и во 86-та против Удинезе, Јувентус успеа да ја задржи одличната серија и оваа година и да стаса до втората позиција на -7 до Наполи. Интересна ситуација беше забележана во судиското продожение на мечот против Удинезе. Алегри урлаше по играчот со број 30, а тоа е 19 годишниот Матијас Суле и му гестикулираше покажувајќи му накај корнер знамето. Дури успеа и жолт да заработи.

Неверојатно но вистинито. Во реонот Пуља, во група Б од тамошната петта италијанска лига, на провинциско дерби меѓу Ноичатаро и Кастелана во неделата, шпицот на гостите Рикардо Сабатели во 18’ минута шутираше далеку покрај голот но судијата Романо од Лече го признал. Цели осум минути домашните протестирале. Овој гол на кра јбил победнички за гостите.

Англискиот шампион во рок од четири дена, два пати го совлада Челси. Прво 0:1 во Премиер лига, па 4:0 во ФА Куп. Сините не знаат кај тераат сезонава. Елиминирани се од ФА Куп и од Карабао Куп и плус во првенство се 10-ти на табела со само 7 победи по 17 кола. Погледне како момците на Пеп си ги играа синоќа при третиот гол.

На Синиша му се врати леукемијата и замина на 16 декември на 53 години, а на Џанлука ракот и почина на 6 јануари на 58 години. Нивниот поранешен клуб Сампдорија ги стави нивните имиња на дресовите на мечот против Наполи. Станковиќ се појави на терен со синовите на Михајловиќ.

Барса славеше 0-1 кај Атлетико Мадрид и се осамостои на чело на табелата после поразот на Реал Мадрид во Виљареал. Најзаслужен за триумфот на Каталонците беше уругвајскиот стопер Араухо кој во 90+4’ минута од судиско продолжение со пета спаси чист гол за Атлетико на гол линија.

Дефанзивецот на Монца, Лука Калдирола извади 2:2 против Интер со гол во 93-та минута. 78 годишниот Адриано Галијани урлаше како во старите добри времиња. После 31 година и 29 трофеи тешко се менуваат некои навики, плус противникот се вика Интер.

Во големото дерби на шпанскиот фудбал, Барселона на гости со 0-1 го совлада Атлетико во Мадрид и се одвои на чело на табелата, пред Реал Мадрид кој во саботата изгуби 2-1 од Виљареал.

Со исклучок на дуелот против Специја, Елиф Елмас на сите други четири меча како стартер за Наполи ја оправдува првотимската улога со гол или асистенција. На мечот против Сампдорија за прв пат му дадоа да шутира од пенал, а тој приликата ја искористи на перфектен начин.

За мечот од трета рунда во ФА Куп со Вулверхемптон, Клоп се реши за полн состав и најдобрите играчи кои му беа на располагање зошто „волците“ во пар наврати го елиминираа од истиов Куп. Ливерпул иако водеше со головите на Салах и Нуњез, на крај се спасуваше. Гостите израмнија на 2-2 па поведоа со гол во самиот финиш но судиите им го поништија поради офсајд иако ниту еден агол не покажа дека има офсајд.

Фудбалерите на Виљареал му го нанесоа вториот лигашки пораз на Реал Мадрид со 2:1. Во последната 98-ма минута, кралевите во обид да израмнат тргнаа во напад со се голман. Арнаут Данјума тоа не го искористи за 3:1 и го оствари едно од најголеми промашувања на сезоната, а имаше празен гол и слободен соиграч.

Манчестер Јунајтед го совлада Евертон со 3:1 и ја продолжи победничката серија. Давид Де Хеа се сплетка како никогаш пред гол и го прими веројатно најсмешниот гол оваа сезона.

На 58-годишна возраст, почина прославениот италијански фудбалер и тренер Џанлука Виали. Во 2017-та година му бил дијагностициран тумор на панкреас. Виали важеше за еден од најголемите центарфори во '80-те и '90-те години.

Раде Богдановиќ (52), познат Сарајлија, култен шпиц во Железничар од Сараево, во Атлетико Мадрид, во Вердер Бремен со кого освои Интертото Куп, во Арминија Билефелд и во азиските Поханг Атомс и Џеф Јунајтед. Неколку години е стручен аналитичар на РТС каде во неколку наврати не го викале зошто е многу остар на јазик и кажува сè отворено, а публиката затоа многу го сака.

Има еден познат гол на Димитар Бербатов кој не се дава секој ден. Бугаринот му даде убавина бидејќи акцијата ја градеше од своја половина, а не чекаше во шеснаесетник како класична 9-ка. Лук Шо го повтори против Борнмут пред два дена.

Нема потреба друг пат дечки, чувајте си го имиџот од Светско. Ако не се лажеме ова се вика „Јанино, Јанино“ , маалска игра која ја игравме како деца.

Роналдо стана најплатен фудбалер во светот кој во Ал Наср ќе заработи 500 милиони евра. Пред 47 години тоа бил Пеле со три годишен договор од 7 милиони долари, до тогаш невидени за тие времиња. Некои во Бразил му се лутеле, а министерот за надворешни навивал да потпише. Државниот секретар на САД му испратил телеграма.