ПАОК го совлада АЕК на гости со 2:3 и тоа после негатива од 2:0. Пресвртот го најави Јанис Константелиас, кој постигна мајсторски, но истовремено и многу тежок гол во трк, со трите потребни елементи, прием, дриблинг и гол.
Во 82-ра минута од натпревар во Купот на Перу меѓу Спорт Хуаквиља и Магдалена СЕДЕК, некој незадоволен член од гостинската екипа поради црвен картон кој го добил нивен играч, влетал во терен да се пресмета со судиите. Се залетал кон главниот судија Луис Алегре ама добил контра-удар. И тоа јак.
По големиот и незапаметен скандал пред натпреварот Шкендија - АП Брера кога домашни навивачи свесно и намерно со урлање и свирежи ја омаловажија минутата молк во чест на трагично загинатите млади луѓе во дискотеката во Кочани, Фудбалската федерација на Македонија се згрози од случајот, однесувањето го нарече нечовечко и најави драстични казни.
Го гледаме колегата на Миовски, Алехандро Франсес, како и ироничната насмевка на Флик и потоа што да видиме во Унгарија и тоа во прва лига. Неверојатно. Кој од кој побанален. Одиме со двете видеа. Второто е бетер. Се работи за Бразилецот Матеус Салдана од Ференцварош. Како не им е глупо кога ќе гледаат хајлајтс?
На Антони му тргна во Бетис. На 12 меча во сите натпреварувања, има 4 гола и 4 асистенции и е еден од најдобрите поединци во тимот кој се искачи на шеста позиција. Ама уште му вадат душа на Твитер. Си влече тоа корени од „брилијантните“ партии на Олд Трафорд.
Носењето на повредниот играч е само вовед во една необјасниво непотребна лакрдија, која на крај ќе заврши со апсење на еден буцко, кој се обиде да го совлада џандарот. Што ви е бре луѓе?
Атлетико Мадрид одигра само 1:1 на гостувањето против Еспањол и сега е на -6 од лидерот Барселона. И покрај тоа што има 108 настапи за Осасуна и 47 за Атлетико, 35 годишниот Цезар Аспликуета го постигна деби голот во Ла Лига кој ќе го памети. Бомба на прва.
Поранешниот напаѓач на Реал Мадрид и Милан веќе една година е во затворот Тремембе во Бразил. Има на располагање радио, ТВ, книги и игри, па дури и простор за сончање. Но тој се бори за повеќе од тоа, а тоа е полуслобода, барање кое постојано му го одбиваат.
Претседателот на ФФМ, Масар Омерагиќ во интервју за ТВ 21, зборува на повеќе теми и открива дека во последните две години федерацијата има потрошено 1 милион евра повеќе од тоа што има на располагање. Вели дека во младинските категориии имало коруптивни активности и дека во нашиот фудбал се носеле фудбалери со претходно искуство како диџеи.
Женската екипа на Барселона направи шоу во реваншот со германски Волфсбург во четвртфинале на женската Лига на шампиони и славеше со 6-1. На првиот дуел победија 1-4 па со вкупен резултат 10-2 одат во полуфинале. Најубав гол беше последниот на мечот, оној на Мапи Леон во 90+1' минута.
Бисерот на Барселона кој има само 20 години а веќе освои шампионска титула во Ла Лига, два Суперкупа на Шпанија и Лига на Нации на УЕФА, после разните повреди, повторно игра во одлична форма. Синоќа во триумфот на Барса 3:0 над Осасуна имаше старт со глава во нога на противнички играч. Јуначки.
Триесет и две годишниот лев бек Николас Таљафико во 2022 освои Светско првенство со Аргентина. Веќе има скоро 70 настапи за гаучосите. Тој решил самиот да направи врвна тактичка анализа на дербито со Бразил кого Аргентина го растури со 4-1 во средата во Буенос Аирес. Таљафико имаше асистенција за четвртиог гол на Аргентинците кој го постигна син му на Диего Симеоне, Џулиано Симеоне.
Напаѓач со 76 гола на 82 меча не е за давање. Работава, да го научиме германски и да го задржиме до пензија. Само уште трофеј му фали во кариерата, бидејќи на 31 година се нема израдувано на ниту еден, а има одиграно вкупно 6 финалиња.
Нешто најблиску до Меси во моментов според стилот, техниката и потезите на терен, дефинитивно е Ламин Јамал. Барселона синоќа ја совлада Осасуна со головите на Торес, Олмо и Левандовски, а ние одиме со најдоброто од 17 годишникот. Од каде да почнеме?
Конкуренцијата на Столе Димитриевски на дуелот од Лига на нации меѓу Грузија и Ерменија, не е дека само безцелно го напушти голот. Туку фраерот ја прими и направи асистенција.
Ник Волтемаде е уште еден интересен германски центарфор, уште еден типичен сидраш од тамошната фудбалска школа. Висок е 1.98 сантиметри и со скоро два метри има необично префинета техника со топката. Игра за Германија У-21 за која веќе има 7 гола на 12 средби. Против Шпанија У21 дал 3 гола и заработил интерес од Баерн Минхен.
Околу 50 играчи од Битола, репрезентативци на Македонија, оставија длабоки траги во македонскиот фудбал. Голем дел од нив со меѓународна кариера во Србија, Грција, Турција, Белгија, Холандија, Шпанија, Германија, Франција...
Голчиштево не е од сега, ама ние сега го начекавме и мора да го споделиме. Се работи за Матијас Суле од Рома, кој за Аргентина У-23 направи потег за паметење. Малиот е 2003-та роден и допрва ќе прави бељи со топката.
Во минатото коло од јужно-американските квалификации, Аргентина го совлада Бразил 4-1 а Уругвај на Марсело Бјелса одигра 0-0 против Боливија на гости. Натпреварот се играл на стадионот „Ел Алто“ во истоимениот град Ел Алто кој е највисок стадион на светот на 4.150 метри надморска висина. Таму во Боливија редовно во квалификациите кога доаѓаат други селекции како Бразил, Аргентина, Перу, Уругвај, Венецуела и други, екипажот носи со себе боци кислород за адаптација на условите.
Не го гледајте името на клубот, Јорк Сити, ниту конкуренцијата во која се натпреваруваат, а тоа е петта англиска лига. Туку погледнете го колку мајсторски реагираше пред гол нивниот напаѓач Оли Пирс. Врвно голчиште.
Синоќа во најдобрата лига на Колумбија на мечот меѓу трофејниот Милионариос и Санта Фе кој домашните го добиле 2:0, нивниот играч Неисиер Виљареал во обид да ги потцени противничките играчи застанал да стои врз топката. Судијата без размислување му дал жолт картон.
