Интер одигра толку колку што му требаше на гостувањето во Рим и славеше 0-1 против Рома. Рутински нераѕурите му препуштија посед на ривалот и чекаа контри. После една таква експресно истрчана контра, Лаутаро налета на одбиена топка и ја распали со сета сила во мрежата на Свилар.

Во натпревар од 2. Лига на Јапонија, ЏЕФ Јунајтед со 2-1 го победил Вентофрет Кофу. Домашните фудбалери последните 2-3 минути ја чувале топката како што не се памти дека некој ја чувал досега. Вакво градење не се видело.

Барселона игра како препородена под водство на новиот тренер Ханси Флик. Во шпанска Ла Лига на 10 меча имаат 9 победи и само 1 пораз со неверојатна гол разлика 33:10. Левандовски е убедливо прв стрелец со дури 12 гола. Синоќа славеа убедливо 5-1 против Севиља. Лева даде 2 гола, 2 даде и младиот Пабло Торе (еден од слободен удар) а 1 Педри. Токму Педри пред крајот му го отстапи местото на неговиот добар другар Гави кој се врати на теренот после 348 дена. Му дадоа капитенска лента а цел стадион го пречека со овации.

Одамна помина времето кога Ајакс како од шала им даваше по 6-7 гола на ривалите во холандската лига и освојуваше титули. Прославениот гигант одамна не е тоа што беше па натпревари како овој со Хераклес му се борба за гол живот. Победија едвај 3-4 а 40-годишниот голман Песвар прими гол од Марио Енгелс од преку пола терен за 2-1.

20 годишниот Бразилец Винисиус Тобиас, кој е член на Шахтјор Доњецк, го истетовирал името на своето дете откако дознал дека неговата девојка е бремена, за подоцна ДНК тестот да покаже дека сепак тој не е таткото.

Лео Меси направи револуција во Интер Мајами. Клубот кој пред само година и пол беше на 29-та позиција од вкупно 29 екипи, го вивна на прва позиција со рекорден број на бодови и стана прв стрелец на клубот.

На една средба во Мајами каде Лионел Меси од престижната шпанска „Марка“ добил награда за најтрофеен фудбалер во историјата на фудбалот, гостин бил и некој Перуанец кој го обожувал Меси. Начекал автограм а после решил да го тетовира.

Интер го обезбеди скудетото и последниот натпревар од сезоната беше рутински. Ибрахимовиќ видно изморен од прослави претходните ноќи, во тек на натпреварот му вика на Мурињо да го смени зошто едвај стои. Жозе покажа кој е шефот. Смени дури и голман само не Ибра.

Очигледно има луѓе - монтажери со многу слободно време. Диско циркузот кој неодамна излезе со Халанд, го направиле и со Меси.

Во период на нова, по кој знае кој пат транзиција или трансформација, произлезена од чудни, матни и непознати методи на работа, на серија газди кои го доведоа до ова дереџе, налетавме на моќна вардарова фотографија. Секој нареден сопственик или акционер треба да ја погледне, пред да прави било што со македонскиот спортски бренд. Фотографија со многу тежина за која НЕ треба помош од Википедија.

Милинко Пантиќ е веројатно единствен фудбалер од Србија и регионов кој може да се пофали дека и дал 4 гола на Барселона. Но и покрај тоа, си замина дома со пораз.

Италијанците немаат моќ за високи плати како во една Премиер лига или клубови како ПСЖ каде со апарски газди се заборавија со сумите. Дуци се двои.

После кариера во клубови како Манчестер Јунајтед, Барселона и Атлетико Мадрид, Мемфис Депај на свои 30 години направи чуден трансфер и замина во Јужна Америка. На петтиот меч за Коринтијас го постигна првиот гол против Атлетико Паранаенсе кој го добија со 5:2. Велемајсторски погодок, можеби најубав во неговата кариера.

Некогашната ѕвезда на Спортинг Лисабон, Манчестер Јунајтед и Фенербахче кој играше уште и за Валенсија, Лацио, Орландо Сити, Венција, Мелбурн и Адана Демирспор, сега игра во португалскиот клуб Естрела Амадора. После еден тренинг му пришол некој дечко да му се потпише на дрес од Португалија со негово презиме на грбот. Нани рекол дека ова е неговиот украден дрес од дома со кој играл на Европско 2016. Му затворил прозор и си отишол со колата. Детето пријавило во полиција и отворен е случај.

Лига на шампиони 2012-та во четвртфинале се среќаваат Милан и Барселона. 24 годишниот Меси мораше да се справува со 36 годишниот Неста, кој важеше за еден од најтешките дефанзивци за проаѓање. Неста после мечот изјави: Меси треба да му се заблагодари на Бога што не се соочи со мене кога имав 26.

Ќе даваат снимка или ќе видиш резултат, се двете најглупи решенија кога ќе ти ги каже некој за битна утакмица. И за Балак тие не постојат.

Додека го испраќаа 52-годишниот јапонски судија Нобуцуку Мираками со шпалир и аплаузи, еден фудбалер се сетил како да му пружи прилика за последниот жолт картон во кариерата. Го соблекол дресот и така му посакал среќна пензија. Си доби жолт картон а некои во мајтап велат дека го пропуштил следниот меч поради парни картони.

Фудбалската федерација на Англија (ФА) денеска и официјално го претстави новиот селектор на репрезентацијата, германскиот тренер Томас Тухел.

Големото градско дерби меѓу Данубио и Пењарол во Уругвај завршило 0-1 со гол на гостите во 90-та минута од мечот. И тоа каков гол од слободен удар на Лео Фернандез.

Плус со копачки на паркет, каков сакаш да биде резултатот бе дете?

Карлос Алкараз и Јаник Синер ги елиминираа Холгер Руне и Данил Медведев во четврфиналињата на егзибицискиот турнир „Слемот на шесте кралеви“. Полуфиналните двојки се Синер - Ѓоковиќ, Алкараз - Надал. Домаќите ги пречекаа шестмината тениски асови со по 1,5 милиони долари само за учеството, а победникот во Ријад, Саудиска Арабија ќе си замине дома со мега премија од 6 милиони долари. За споредба, на УС опен како најбогат Гренд слем, шампионот заработува 3,6 милиони. Уживајте во филмското ремек дело Six Kings Slam направено во стилот на Game of Thrones.

Мохамед Салах, најдобриот египтески фудбалер на сите времиња, ги разби предрасудите за „мрзеливи“ египетски фудбалери а сега се појавува и негов потенцијален наследник кој игра во Бундеслига.

На денешен ден пред 15 години, тогаш како тренер на Нагоја Грампус, Драган Стојковиќ - Пикси кој сега е селектор на Србија, здрви еден волеј додека стоеше во тренерскиот простор крај аут линијата на пола терен.