На стадионот Пантесалико во Волос, пред околу 16.000 навивачи Грција го победи Косово со 2-0 и како прва на табела пред време се пласираше во погорна дивизија за следното издание на Лига Нации. Околу стотина Косовари дошле да ја бодрат нивната селекција, а грчките навивачи ги нападнале пред почеток на мечот.

Легендарниот клуб од петтиот најголем град во Италија конечно се враќа на голема врата. По големите падови и финансиски колапс низ годиниве, Палермо синоќа ја совлада Падова 1-0 на реваншот од плејофот и по триумфот со ист резултат на првиот меч, со вкупни 2-0 се пласираше во Серија Б.

Во еден пријатен, релаксиран меч во 3. коло од Лига Нации, Црна Гора и Босна и Херцеговина одиграа 1:1 и си поделија по бод. Гостите поведоа, домаќините израмнија а хит на мечот беше прозивката на домашните навивачи до гостинските. Поради фактот што Босанците признаваат само бурек со месо и никаков друг, Црногорците ги зафркаваа.

На стадионот на кој пред неколку недели се одигра финалето на Лига Конференции во Тирана меѓу Рома и Феенорд, синоќа албанските навивачи истакнале парола која што се поврзува со терористичката ОВК и мапа на тн. „голема Албанија“.

Натпреварот Австрија - Данска одигран синоќа во Виена имаше интересни епизоди. Навивачите искористија момент што нема струја на стадионот па правеа бранови со светла од телефоните на класична музика.

Неколку убави причини имаа навивачите на Вардар за голема прослава во саботата вечер. Се славеше 35-годишнина од основање на групата Комити, 75-ти роденден на Вардар, 15-та титула во ракометното првенство и 5-години од најголемиот успех во историјата на ова спортско друштво - првата европска шампионска титула во ракомет.

Финалето на јадранската АБА лига за првпат после 9 години ги спои вечните белградски ривали. Од една страна Партизан, од друга страна Црвена Звезда. Влогот? Богата Евролига за победникот. Звезда како првопласирана ги играше првите два меча дома и поведе 2-0 пред своите навивачи.

Во шпанската Примера од следната сезона ќе играат и Алмерија и Ваљадолид, тим чиј сопственик е легендарниот Бразилец Роналдо и тим кој сосема неочекувано доби шанса и ја искористи.

Италијанскиот тренер влезе во историјата. Стана легенда како прв тренер кој освоил дури 4 шампионски титули во Лига на шампиони (две со Милан и две со Реал Мадрид), а има и два пехари со Милан како играч. На „кралскиот клуб“ му донесе шампионски трофеј и во Ла Лига па прославата на „Сантијаго Бернабеу“ беше потполна.

Во Франција од почетокот на сезонава 2021/2022 немаше коло кое помина без нереди. А кругот со навивачки хирови го затворија навивачите на трофејниот и еден од најстарите клубови, Сент Етјен.

Фудбалскиот клуб Ливерпул излезе со соопштение во кое топката за големиот хаос пред финалето на Лига на шампиони со Реал Мадрид во Париз, ја префрла кон организаторот. А не се запрашаа како нивни навивачи без карти прескокнуваа бариери и огради и направија џумбус.

Навивачи на Ливерпул без карти насилно влегувале на вечерашното финале поради што многу со влезници останале пред стадионот каде настанал голем хаос.

И покрај тоа што одигра бледа сезона во италијанската Серија А и во Купот на Италија, Жозе Мурињо вешто стигна до трофејот во Лига Конференции, прв европски трофеј во историјата на Рома и пред илјадници навивачи во Рим правеше шоу со својата екипа.

Ништо чудно да стои на некоја од трибините во Париз утре вечер за време на големото финале меѓу Ливерпул и Реал Мадрид. Луиз Диаз, една од главните ѕвезди на Ливерпул е од Колумбија, па навивачите направија смислена досетка.

За секој навивач нема поголемо задоволство од гостување со најблиска екипа во друг град. Фантастично доживување имаа приврзаниците на Ријека кои со огромен брод се искрцаа до Сплит за големото финале.

За пасијата за фудбал на Јужно-американците, Турците, Грците и Мароканците сме запознаени одамна. Ама и во Јапонија да ти имало позитивни лудаци за најважната споредна работа на свет.

По 94 години историја, Рома се израдува на европски трофеј, трет според рангот на УЕФА. Мурињо и компанија пристигнаа во метрополатa која беше обоена во црвено жолта боја. По шампионската парада со отворен автобус, фудбалерите продолжија во тренинг базата, каде откачија со диско журка и фрлање во базен со се облека.

Конечно некоја понормална навивачка сторија поврзана со финалето во Тирана. До сега сè беше со тепачки, повредени полицајци, протерани хулигани и сè на сè многу насилство меѓу навивачките групи на Рома и Феенорд.

Четирикратниот германски шампион и двократен освојувач на Купот на Германија, познатиот Кајзерслаутер со години дреме во пониските лиги на германскиот фудбал и се чини дека конечно го враќа стариот сјај. Кајзер по домашните 0-0 во баражот за пласман во втора Бундеслига, на гости го совлада Динамо Дрезден со 0-2 и обезбеди втора лига во новата сезона. Навивачите на враќање од Дрезден од воз палеле огномети.

11 годишниот пост од титулата придонесе за огромна еуфорија меѓу навивачите на Милан. Пјаца Дуомо гореше на прославата, а претходно и стадионот на Сасуоло каде миланистите направија инвазија во бројка од 18.000. Меѓу нив имаше и Македонци кои одбиле 2.000 евра за една карта пред натпревар.

Вечерва од 21 часот се игра финалето на Лига Конференции меѓу Рома и Феенорд. Ова е трето натпреварување во хиерархијата на УЕФА која што самата малку како да го потцени.

Видео со дедо и внук од регионот Чешир во Манчестер кои одат на историскиот натпревар меѓу нивниот Сити и Астон Вила во кој домаќинот направи епски пресврт од 0:2 на 3:2 за пет минути и ја освои шампионската титула, е најголемиот хит во европскиот фудбал.

Па додека е Ибрахимовиќ присутен никој не смее да помисли да го смени хитот на Нада Топчагиќ - Јутро је. Од Сан Ремо до клупскиот автобус за прослава на титулата во Милано пред илјадници навивачи.