„The minor falls, the major lifts“ подучуваше стариот Леонард Коен и нема поточно од тоа. Слушнете како меланхолично звучи една од најведрите и најполетни песни на сите времиња, кога е отсвирена во мол. 

Невeројатно цинично и зајадливо видео на BBC за ругање на Шпанците. Сите експерти и томови книги напишани за нив, вели презентерот, не можат да ја објаснат суштината на нивниот проблем. А тој е дека Шпанците не знаат што е вистински доручек. И после везден морааат да глодаат нешто. Чујте го вие тој британски (хумористичен?) хејт.

Компанија од Северна Каролина одлучи отворено да го прифати и стимулира анти-ваксерското движење, без притоа да крие дека директно заработува од успехот на истото.

Прастаро видео од 1977 година во кое главен јунак е една бабичка која не може да погоди која од понудените пијачки е виски а кое е бренди. На општо задоволство и на нејзина огромна радост, не се откажува таа така лесно. Не би ги ни доживеала таа тие години ако лесно се откажуваше. Позитива на денот.

Сопругата несебично го споделува клучот на среќниот брак: да го слушаш мажот, да го почитуваш, да му дадеш да биде глава на куќата и да му дозволиш да зборува. Но, ако не видите како тоа изгледа кај нив, никогаш нема да дознаете кој е вистинскиот клуч за мир дома.

Норм Мекдоналд почина неодaмна на 61 година, после 9 годишна приватно водена војна со ракот. Значи овде кај Летерман точно му е јасно за што зборува, а зборува за својот погреб. Дека не сака како сите.

Русите длабоко размислуваат пред да излезат на избори. Што да облечат и како да се појават на гласачкото место. Оти другото е мање-више познато.

Ако веќе мислите добро да си поминете, не измачувајте ги браќата и сестрите во кафаната со фалбаџиство и викање. Кафаната не сака фалбаџии и гњаватори, иако ги трпи против својата волја: на секоја будала треба да ѝ се помогне да се ослободи од своите пари, а тоа е дело богоугодно.

Ѕирнете една дигитална реконструкција на вечниот град. Фино било да прошета човек таму, освен ако во тој момент не проаѓа и некоја лудара како Калигула, па те замоли на лице место да му направиш ќеиф на неговиот омилен сенатор.

И трупови знаат дека фората е што помалку да испрскаш кога ќе се жбурнеш во водата. Но, тука не завршува приказната. Откако ќе се жбурнеш, имаш уште работа.

Врискачкиот пејсаж на Лас Вегас ќе биде збогатен со една огромна мрцина. Ја прават најголемата сфера на светот која ќе кошта 1,8 милијарди долари, ќе биде висока 112 метри, и во неа ќе го има - се разбира - најголемиот ЛЕД екран на светот со резолуција од 19.000 X 13.000 пиксели. И уште мал милион претеризми. 

Почнавме да се чудиме на некои сцени. Не заради самите сцени, туку зашто сме научени во такви сцени главен да биде оној нашион. Еве на пример овде. Пасент би било.

Пратете го дебелото. Од што предолго го ќофтаат а тој никако да стигне да подели правда со папучата, на крaj мава и кога нема никаква логика да замавне. Пресладок е.

Како типови кои имаат проблем и играчка од киндер јајце да состават, вакви финти бескрајно нè одушевуваат.

Некои политичари имаат проблеми со концентрација, некои со времето кое им е остапено, на некои им се случува комплетен шат-даун на мислата („Отидов...“). Андреј Жириновски има сосема поинаков вид проблеми. 

Да чуете две мирнодопски воени видеа. Едно обично, едно заметалено.

Првото прашање кое треба да му се постави на човек кој сака да ти каже што има разбрано/слушнато/прочитано е да ти каже дали тоа му е од библиотека. Ако не му е, батали. Во библиотека се знае што е фикција а што не. На интернет, на луѓето сè им е исто.

Не само што деца не можат во школо туку и на точаци се проблем. Па полиција им става бетонски пречки во бајк-паркови. Можеме да ги слушнеме латентните фанови на тоталитаризмот како во брада си коментираат: тоа е држава!

Градежно-транспортна фирма од турскиот град Сирнак прави фатална грешка и одбива на својот резидент багерист да му даде плата додека тој се уште го има клучот од багерот, а тие имаат едно шест-седум камиони паркирано во двор.

Ако сте искрен и доследен љубител на сите културолошки особености на овој шаренолик свет, тогаш вашата дијафрагма ќе нема никаков проблем со овој клип. Наш проблем е што не сме до толку. Накратко, жената кастреше жбун и неочекувано си најде грицки.

Веројатно планирала да објави сечено, лепено, монтирано видео од сцената ама видеото стигнало цело, како го тера синот да плаче, иако овој и онака плаче, само веројатно не доволно жално за собирање лајкови.

Група мрцини од една баптистички црква од Вестборо мразат све живо и диво (педери, Евреи, муслимани, други христијани) и се толку напнати, што и еден конзервативец како Бил О' Рајли ги сметаше за идиоти. Дејв Грол од Фу Фајтерс обожава да ги трола. Ова му е третпат. Овојпат им дојде на озвучено камионче, и ги изремети со „You should be Dancing“ нафрлајќи им дека и мајките им имаат играно на таа музика.

Показна пожарникарска вежба во која се палат два идентични контејнера, со различни изолациони материјали. Едниот со полиуретан (малтене ПУР пена), другиот со камена, односно минерална волна. Кога гледа како гори првиот, човек не може да се оттргне од помислата како е кога во него има луѓе кои сета своја доверба ѝ ја дале на државата, да им помогне околу еден вирус што го закачиле. Но, тоа што некаде се ризични материјали, некаде со „по сите стандарди“.

Разочараната девојка знае дека нејзиниот е со друга. И наместо фино лепо да го остави и ајт здраво, упорно решила да види која е таа со која овој ја вара. А тоа не секогаш е најдобро за самодовербата.