- Ракометарите на Охрид се освојувачи на традиционалниот и реномиран меѓународен турнир „Струга 2026“. Во големото финале Охриѓани го совладаа шампионот на Македонија РК Вардар 1961 со 31-30.
- Охрид водеше на полувреме 15-13, црвено-црните заиграа подобро во вториот дел и направија целосен пресврт 19-18. Но „гладијаторите“ на крај се изборија за триумф 31-30 и прв пехар на овој турнир.
- Најефикасен на теренот беше Филип Талески кој неодамна го засили Охрид со 9 гола а кај Вардарци Египќанецот Мохаб Абделхак постигна 8 погодоци.
- На 54. издание на традиционалниот турнир ракометарите на Прилеп завршија трети откако го совладаа домаќинот Струга 30-28 пред преполни трибини на отвореното игралиште „Горан Попоски - Бабец“. Никола Шипинкоски беше прв стрелец со шест гола а Андреј Стојановски даде пет погодоци кај победникот кај кого блескаше и голманот Благојче Трајковски со 13 одбрани. Кај Стружани Никола Јукиќ постигна седум погодоци а Костадин Петров шест гола.
- Новак Ѓоковиќ изгуби на стартот на Мастерсот во Синсинати од младиот Аргентинец Тиаго Аугустин Тиранте во три сета со резултат 2-6, 6-4, 6-4.
- Тиранте е на 50-то место на АТП листата а ова е првпат Новак Ѓоковиќ да изгуби во воведното коло во Синсинати уште од далечната 2007-ма.
- Новак доминираше на стартот лесно, рутински го освои првиот сет со убедливи 6-2. Но веќе од вториот сет високите температури и неподносливи горештини како да го намачија Ѓоковиќ па при резултат 2-2 во вториот сет тој поврати и бараше лекарска пауза. Во еден момент буквално падна на колена од исцрпеност па лекарите интервенираа со ладни крпи и лекови да го освежат.
- Аргентинецот сервираше феноменално во продолжение од мечот (дури 13 аса) и направи пресврт па славеше со 2-1 во сетови после 204 минути игра.
- Следен предизвик на Новак Ѓоковиќ ќе му биде УС Опен кој започнува на 30-ти август.
- Американската јавност е изненадена со одлуката на Итан Томпсон да ја напушти Индијана Пејсерс каде минатата сезона одигра 32 натпревари и во просек имаше по 7 поени. Минатата сезона му беше прва во НБА на Итан Томпсон а претходно настапуваше за развојните клубови на Чикаго Булс, Орландо Меџик и Мајами Хит во Г-развојната лига.
- Партизан договорил соработка со 27-годишниот бек а во црно-белиот дрес ќе им се придружи на Карлик Џонс и некогашниот кошаркар на Кливленд Кавалирс Ламар Стивенс.
- „Парите во Србија можеби се добри, но дали е Србија Индијана? Немојте да одговарате на тоа прашање. Иако е уште под договор со Индијана Пејсерс, Итан Томпсон намерува да потпише договор со српскиот клуб. Томпсон во моментов има „двонасочен“ договор со Индијана но по сè изгледа ќе бара раскин со цел кариерата да ја продолжи во Европа“, вели новинарот Тило Вајдер.
