- Пентагон повеќе нема да бара од војниците секоја година да се вакцинираат против сезонски грип.
- „Вакцината ќе остане достапна за припадниците на војската кои сакаат да ја примат. Но, ние нема да ве принудиме, бидејќи вашето тело, вашата вера и вашите убедувања не се предмет на преговори“, порача Министерот за одбрана Пит Хегсет.
- Воениот персонал на САД сè уште е должен да се вакцинира против разни заразни болести, вклучувајќи мали сипаници, заушки и детска парализа. Во зависност од ризикот и работните обврски, опционално е и задолжително вакцинирање против антракс.
- Задолжителната вакцинација против грип беше воведена по препораки од медицински лица дека тоа ќе ја спречи болеста и ќе ја подобри целокупната подготвеност на силите. Хегсет ја оцени досегашната обврска како „апсурдна и претерана“.
- За време на мандатот на Џо Бајден беа отпуштени или доброволно заминаа околу 8.700 активни и резервни војници кои одбија да се вакцинираат против ковид-19. Пентагон лани им понуди да се вратат на своите работни места.
- Либанскиот премиер го обвини Израел за воено злосторство поради намерно убиство на новинарката Амал Кабил во јужен Либан. При нападот беше ранета и фотографката Зејнаб Фараџ.
- Откако со проектил било погодено првото возило од конвојот на новинарите, и притоа загинале двајца мажи, Кабил и Фараџ се засолниле во куќа во селото Тајри. Веднаш потоа била погодена и куќата.
- Израелските сили отвориле оган и врз обележаното амбулантно возило што се упатило кон новинарите. Првите екипи стасале до телото на Кабил и до ранетата фотографка по неколку часа.
- Израелските сили објавија дека гаѓале „возила што се одвоиле од воена структура на Хезболах“ и претставувале „непосредна закана“. Било погодено едно од возилата, а потоа и „објектот во кој избегале другите лица“.
- Калил во 2024 година изјави дека добила смртни закани и предупредувања да го напушти Либан.
- Таа е деветтиот новинар убиен во Либан оваа година. Откако Израел ја почна војната на 2 март, убиени се повеќе од 2.300 луѓе, а повеќе од 1 милион беа протерани од домовите.
- Масите се „излезени“ надвор од застаклените тераси на кејот и пред „Торос“ и пред „Бела виста“ и се протегаат до клупите што пред неколку години ги постави Град Скопје.
- Во Старата чаршија на уличките каде што има повеќе угостителски објекти, луѓето не можат да поминат раат по тесниот простор што е оставен помеѓу „летните тераси“.
- Безредие владее и на улица „Македонија“, каде што кафулињата постепено си се шират по еден ред повнатре на шеталиштето, а некои од нив, на пример „Студио 54“ буквално има поставено маси и столици по целата ширина на улицата.
- За давање дозволи за поставување урбана опрема на овие локации, кои воедно се најпосетени и од туристите што сѐ повеќе ги има низ Скопје, надлежен е Град Скопје. Оттаму убедуваат дека константно работат да воведат ред во поставувањето урбана опрема на улица Македонија, на кејот и во Старата чаршија и дека сè уште не се издадени дозволи за летните тераси, пишува Слободен печат.
