Вести › Набрзинка

Кремљ за победата на Маѓар: Проверете за четири месеци...

13 April 2026

Кирил Дмитриев, специјален пратеник на Владимир Путин за странски инвестиции и економска соработка и раководител на Рускиот фонд за директни инвестиции процени дека изборните резултати во Унгарија ќе го забрзаат распаѓањето на Европската Унија.
„Ова само ќе го забрза распадот на ЕУ. Проверете за четири месеци дали сум во право“, рекол тој за руската државна новинска агенција ТАСС.
Илон Маск прокоментира дека Сорос ја презел Унгарија.
Челниците на ЕУ му честитаа на Маѓар за победата која ја слават и американските демократи.
Хилари Клинтон и Венко Филипче го поздравија поразот на Орбан и оценија дека паднал автократски (Хилари) и недемократски (Венко) режим.
Како еден систем е автократски и недемократски ако луѓето можат да го сменат со слободно, фер и демократско гласање?

извор

Трамп го нападна и Папата: Немаше ни да биде Папа да не бев јас

13 April 2026

Доналд Трамп жестоко му се с'сна на поглаварот на римокатоличката црква, го нарече слаб кон криминалот и ужасен за надворешна политика. И дека немало ни да стане Папа да не бил тој.
„Не сакам Папа кој би сакал Иран да има нуклеарно оружје. Не сакам Папа кој мисли дека е лошо што ја нападнавме Венецуела, земја од која ни доаѓаше дрога и криминалци,“ напиша тој на својата социјална мрежа.
„Лав треба да ми биде благодарен бидејќи, како што знаат сите, тој беше шокантно изненадување. Не беше ни на листата кандидати но го ставија на неа само затоа што е Американец и мислеа дека тоа ќе биде најдобар начин да се справат со претседателот Доналд Трамп,“ напиша претседателот Доналд Трамп.
„Да не беше Белата куќа, Лав немаше ни да биде во Ватикан,“ напиша Трамп кој во меѓувреме дополнително ги ужасна верниците објавувајќи фотографија од себе како Исус Христос.

извор

Орбан падна и призна пораз

12 April 2026

„Резултатите се јасни и болни за нас. Народот не ни даде мандат да управуваме,“ рече Виктор Орбан признавајќи го изборниот пораз после 16 години владеење.
Победник на изборите е неговиот некогашен сојузник, Петер Маѓар и досегашната опозициона партија Тиса од десниот центар.
Излезноста била рекордна - 79,33 %. На 81 процент преброени гласови, резултатот е 53,53 % за Тиса и Маѓар наспроти 37,84 % за Орбан и Фидес.
Во мандати е уште појасно: 136 наспроти 56.
Резултатите од унгарските избори беа дочекани со олеснување во Брисел. „Европското срце вечерва чука посилно во Унгарија“, поетски се изрази Урсула фон дер Лајен.
Поразот на Орбан се гледа и како пораз на МАГА и американското влијание во Европа бидејќи ни посетите и поддршката од Марко Рубио и ЏејДи Венс не издејствуваа поволен резултат за унгарскиот сојузник на Доналд Трамп.

извор