- Само неколку месеци откако го напушти РК Вардар 1961 каде имаше импресивни настапи и отиде да игра во Кувајт, Јапонецот Косуке Јасухира се враќа во Македонија.
- Ќе игра за РК Охрид како позајмен ракометар до крајот на сезоната, со цел да им помогне на Охриѓани да стигнат до зацртаните цели.
- Косуке Јосихура изјави: „Пресреќен сум што се враќам во Македонија, во тимот има и мои добри другари од РК Вардар 1961, едвај чекам да заиграм утре против Тиквеш, па птоа да поможам и да им помогнам на моите соиграчи за поуспешна сезона. Среќен сум за ваквиот пречек од нашите навивачи, тоа ми дава уште поголема мотивација“, вели Косуке кој ќе го носи дресот со број 13.
- Биографската книга „Фудбал под сенка“, посветена на легендарниот македонски фудбалер Васил Рингов, во авторство на новинарот Срѓан Ивановиќ, ќе биде промовирана на 17 април (петок), во книжарницата „Литература.мк“ во „Дајмонд мол“, со почеток во 20 часот.
- Книгата излегува постхумно, неколку месеци по смртта на Рингов, кој активно беше вклучен во нејзиното создавање. Денот на промоцијата, пак, се поклопува со датумот на неговото раѓање.
- „Фудбал под сенка“ на искрен и непосреден начин ја раскажува животната и спортската приказна на Рингов – еден од најзначајните фудбалери во македонската и југословенската историја, чие име е тесно поврзано со успесите на ФК Вардар. Книгата нуди увид не само во неговата богата кариера, туку и во личните предизвици, размислувањата и вредностите што го формирале како спортист и како човек.
- Двајцата синови на Дејан Станковиќ кој беше легенда на Црвена звезда, Лацио и Интер, Александар и Филип наскоро би можеле да се вратат на „Џузепе Меаца“ каде што ги почнаа фудбалските кариери.
- Александар (20) напредуваше неверојатно многу и откако преку Луцерн замина во Клуб Бриж за 9,5 милиони евра, стана главен играч на трофејниот белгиски клуб. Станковиќ беше најдобар играч на екипата во Лига на шампиони, а после 30 кола Клуб Бриж е втор со три бода зад лидерот во Белгија и се бори за шампионска титула благодарение на одличните партии на српскиот репрезентативец.
- Интер, поточно Марота инсистирал во клаузулата при потпис на договорот со Клуб Бриж да се вметне и клаузула според која Александар Станковиќ за 25 милиони евра би можел да се врати во Интер. Оваа клаузула најверојатно ќе биде активирана во јуни кога младиот фудбалер од среден ред ќе се врати во Интер.
- Таму би требало да се врати и брат му Филип кој е голман и кој бранеше на позајмица во неколку клубови а сега е во Венеција.
