Offside › Набрзинка

Селтик после 33 дена си го врати Мартин О'Нил

9 January 2026

Легендарниот ирски тренер Мартин О'Нил (73) пред еден месец дојде како в.д. тренер, привремено решение на клупата на Селтик. Веднаш ја крена екипата која почна да реди победи во серија по катастрофални настапи на почеток на сезоната.
О'Нил беше менаџер на „Келтите“ откако Брендан Роџерс доби отказ и на осум натпревари забележи 7 победи од кои 5 во шкотското првенство.
После него Селтик го ангажираше непознатиот Французин Вилфред Нанси кој направи каша-попара и со кого изгубија неверојатни 7 од 8 натпревари од кои еден во финале на Лига Куп од Сент Мирен и од Ренџерс во големото дерби минатиот викенд.
После овој шамар Нанси доби отказ а О'Нил се враќа на омилената клупа.„Многу сум пресреќен, поточно, многу сум почествуван што ме побараа пак да се вратам да го водам тимот и сега се враќам да работам пак со играчите“, рекол легендарниот Ирец.
О'Нил беше тренер на Селтик од 2000 до 2005 а во кариерата ги водеше и Викомб, Норич, Лестер Сити, Астон Вила, Сандерленд, беше и селектор на Република Ирска.

извор

ЕХФ ги суспендира Начевски и Николов

10 January 2026

Европската ракометна федерација ја повлече номинацијата на Славе Николов и Ѓорѓи Начевски, кои останаа без можност да судат на Европското првенство кое се игра од 15 јануари до 1 февруари.
Македонските судии се обвинети од ЕХФ дека наводно го лажирале фитнес тестот и поради тоа се суспендирани од претстојното ЕП.
„По доставувањето на видеата од страна на Николов и Начевски, Европската ракометна федерација кон крајот на декември беше известена дека поднесените снимки можеби биле изменети и дека не претставуваат веродостоен и целосен запис од тестот“, стои во дел од соопштението на ЕХФ.

извор

Македонија со пет главни и вкупно 21 ФИФА-судија во 2026 година

9 January 2026

Светската куќа на фудбалот (ФИФА) ја објави официјалната листа на судии кои ќе може да бидат дел од најпрестижните настани во новата 2026 календарска година.
Македонија на ФИФА-листата фигурира со вкупно 21 судија во сите категории под капата на ФИФА. Само пет од нив се главни, другите се асистенти и футсал-судии.
Главни судии на мечевите под капата на ФИФА ќе може да бидат Влатко Илијоски, Стојанче Трпчевски, Игор Стојчевски, Ивана Пројковска и Ирена Велевачкоска.

извор