- Еден од најголемите центри на европската кошарка, Атина ќе биде домаќин на завршниот турнир во Евролига, Фајнал Форот 2026. Главни градови-конкуренти беа Белград и Атина па на крај грчката престолнина го доби домаќинството и тоа во „ОАКА Арена“, домот на Панатинаикос (сега по најново „Телеком Центар Атина“.
- Последен пат полуфинале и финале на Евролига во Атина се играа во далечната 2000-та година. Панатинаикос го совлада Макаби Тел Авив во големото финале пред свои навивачи. Трет заврши Ефес Пилсен а четврта Барселона.
- Генералниот секретар на фудбалскиот сојуз на Србија (ФСС) Бранко Радујко во денешно обраќање до медиумите изјавил дека Драган Стојковиќ Пикси ќе остане селектор сигурно до мечот со Албанија а за потоа ќе решаваат.
- Притоа српскиот фудбалски сојуз интензивно барал од УЕФА ако може натпреварот со Албанија закажан за 11-ти октомври да се игра во Лесковац наместо во Белград.
- На претходниот дуел против Англија во Белград кој Англичаните го добија убедливо 0:5, имаше политички тензии, скандирања и инциденти меѓу навивачите на Србија. Од таа причина ФСС со цел да избегне повторно такви сцени, бара дуелот од висок ризик да се игра на стадионот „Дубочица“ во Лесковац кој собира 8.000 гледачи.
- „Репрезентацијата таму (во Лесковац) секогаш е дочекувана со безрезервна поддршка што не е секогаш случај во Белград, иако самите играчи немаа проблем како селекторот и навивачите“, рекол Бранко Радујко.
- Управата на најсилната европска кошаркарска Евролига ги потврди домаќинствата за израелските клубови за претстојната сезона. Макаби Тел Авив ќе продолжи како и досега да игра натпревари од Евролига во Белград, во салата „Александар Николиќ“ поради тоа што во Израел од безбедносни причини веќе пар сезони не може да се игра кошарка.
- Хапоел Јерусалим ќе игра Еврокуп исто во Белград, но во салата „Ранко Жеравица“ на Нов Белград. Хапоел Тел Авив предложил да ги игра натпреварите во Арена 8888 во Софија со можност некои дуели да биде домаќин и во „Арена Ботевград“ во случај софиската сала да е зафатена.
- Израелските екипи веќе две сезони играа на алтернативни места поради безбедносни причини поради војните во тој регион.
