Пираните не ве оставаат само на коски
Човек паѓа во река, појавуваат пирани и за неколку секунди нема ништо освен скелет. Вистината е дека пираните избегнуваат големи и здрави жртви. Напаѓаат помали од нив или веќе повредени животни. Човек во нормална состојба е премногу голем ризик за нив.
Живиот песок те заглавува, не те голта
Во филмовите, ликот се бори и паничи додека тоне под земја. Но, мешавината од песок и вода има толку висока густина што всушност би пловеле во неа. Проблемот е што е речиси невозможно да се извлечете сами - ризикот е повеќе од глад и дехидрација (затоа што си заглавен), отколку од исчезнување под површината.
Жица како жилет
Акционите сцени со затегната жица низ пат што пресекува глава се класика. Наука: ако жицата е доволно тенка за да сече, ќе се скине при удар. Ако е доволно силна да го издржи ударот, тогаш не е доволно остра за да отсече човечко тело.
Убиство со давење
Холивуд покажува дека е лесно за неколку секунди да се „исклучи“ противник со давење. Реалноста е поинаква: потребни се неколку минути за да се удави човек, за време на кои жртвата силно се бори. Доволно е и секунда да се прекине притисокот за личноста да се врати во свест.
Автомобилите не експлодираат од куршум
Херојот пука во резервоар за гориво, автомобилот експлодира во пламен. Во пракса, резервоарите се дизајнирани да издржат силни удари и немаат доволно кислород внатре за да предизвикаат експлозија. Повеќето куршуми воопшто не можат ни да ги пробијат.
Цигара не пали бензин
Тешко е да се запали бензин со (често фраерско) фрлање цигара на него. Експериментите покажуваат дека дури ни по илјадници обиди, цигарата не успева да предизвика пожар.
Главата не паѓа „како нож да поминал низ путер“
На филм, често е потребно само едно замавнување со меч да му летне главата на осуденикот. Историјата го покажува спротивното: егзекуторите со секира или меч често морале да замавнат неколку пати за да ја завршат работата. Човечкиот врат е многу посилен отколку што изгледа на екран.
Лавата не ве голта, ве пали
На филм, обично тонат во лава. Во реалноста, лавата е премногу густа за да пропаднеш. Хипотетички, не се умира затоа што пропаѓаш, туку затоа што ќе се запалиш истата секунда.
