Offside › Набрзинка

Дебела казна за Рудигер поради инцидентот на Ел Класико

30 April 2025

Дефанзивецот на Реал Мадрид е суспендиран 6 натпревари поради фрлање предмет кон судијата на финалето од Копа дел Реј против Барселона.
Лукас Васкез доби суспензија од два меча, додека Џуд Белингем нема да добие казна затоа што неговиот црвен картон е поништен.
Рудигер и Васкез, кои беа заменети, добија директни црвени картони поради жестоките реакции за прекршокот досуден против Килијан Мбапе кратко пред последниот свиреж.
Сите шест натпревари од суспензијата на Рудигер ќе важат за Ла Лига, што значи дека ќе биде суспендиран на последните пет натпревари оваа сезона и за првиот натпревар од сезоната 2025/2026.

30 April 2025

Здравески (54) остави длабока трага како капитен на ФК Победа, водејќи ја до првата шампионска титула во независна Македонија, а потоа, како тренер, го донесе и вториот трофеј во клубските витрини.
Неговиот потпис стои и зад дуелите со италијанската Парма во 2000 година, во кои гостуваа фудбалски великани како Буфон, Канаваро, Аморозо и Турам.
Речиси целиот свој фудбалски пат Здравески го помина во Победа како играч, капитен, тренер, а подоцна и како координатор на младинската академија, но играше и за Вардар со кого во 1998 година го освои Купот на Македонија и постигна еден од двата гола во победата во финалето против Слога (2-0).
Здравески го облече и дресот на македонската репрезентација, за која настапи на два пријателски натпревари против Албанија и Азербејџан.

29 April 2025

Француски Монако е еден од најсилните кошаркарски колективи во Европа. Од сезона во сезона игра одлично, бележи врвни резултати, а минатата сезона играше и на Фајнал Фор.
Сега тимот од кнежевството е на прагот од нов завршен турнир откако води 2-0 во четвртфиналето против Барселона и му фали уште само еден триумф за да оди на Ф4 во Абу Даби.
Шпанскиот новинар Чема де Лукас објави дека прва цел на Монако за следната сезона е фантастичниот Никола Миротиќ, лидер на Армани Милано кој во минатото играше за Чикаго Булс и Барселона. Миротиќ има договор со италијанскиот тим до 2026-та година но постои клаузула според која може привремено да го раскине договорот ако и клубот и играчот добијат прифатлива понуда. Монако не би имал проблем да плати колку треба за него.