Offside › Набрзинка

Лазаров го објави поширокиот список за Светско, го има и Талески

15 November 2024

Селекторот на македонската ракометна репрезентација, Кире Лазаров направи список од 35 ракометари кои ќе конкурираат за настап на СП во јануари следната година во Хрватска, Данска и Норвешка.
15 од нив се од Алкалоид, 10 од Еурофарм Пелистер, 5 од Вардар, по еден од Бутел и Охрид и тројца од странство: Мартин Томовски од Потсдам, Филип Талески од Бенфика и Мартин Карапалевски од Ваљадолид.
Македонија е во групата Д заедно со селекциите на Гвинеја, Холандија и Унгарија. Натпреварите ги играме во Вараждин.

Лазаров: Талески е квалитетен играч, но на последните големи натпреварувања не покажа доволно квалитет

извор

Нено Димитријевиќ: „Едвај чекам да заиграм пред најдобрата атмосфера во Евролига“

15 November 2024

Во опширен разговор за Спортклуб, најдобриот македонски кошаркар Ненад Димитријевиќ вели дека полека се адаптира на новата екипа Олимпија Милано, играчите сè подобро се разбираат меѓу себе и тоа е добра основа за продолжение на сезоната.
Димитријевиќ вели дека како и за сите евролигашки кошаркари, така и нему му се поклопува календарот во ист ден кога има репрезентативна кошарка, да мора да играат и за својот клуб. Нено ќе го пропушти дуелот со Литванија во Скопје а се надева дека ќе биде спремен три дена подоцна да настапи на гости против Литванците.
Вечерва го очекува прв настап во белградска Арена против Партизан, тим за кој навивал како мал. „Кога го соопштија распоредот, видов дека играме за брзо и си реков ете нема многу да чекам. Едвај чекам да ја почуствувам таа атмосфера, посебно чувство е да се игра во неа“.

извор

Изненадувачка одлука на ФИФА, ждрепката за квалификациите за СП 2026 ќе се извлекува онлајн

14 November 2024

Македонската фудбалска репрезентација на 13 декември ќе ги дознае противниците во квалификацискиот циклус за СП 2026, но за прв пат во историја он-лајн преку интернет, а не рачно со извлекување на топчиња како што било отсекогаш.
Причините за овој невиден потег најверојатно лежат во тоа што Џани Инфантино е под притисок да објасни неколку контроверзни одлуки на ФИФА, особено назначувањето на Саудиска Арабија за домаќин на Мундијалот 2034 и тоа без гласање.
Во европските квалификации ќе бидат сите 55 членки на УЕФА и ќе бидат поделени во седум групи со по пет селекции и пет групи со четири репрезентации. Македонија е во третиот шешир.
Онлајн ќе биде и одржувањето на вонредниот конгрес на ФИФА, кој е закажан на 11 декември и на кој организацијата за одржување на СП 2034, Саудиска Арабија ќе ја добие со акламација.
Првиот човек на светската куќа на фудбалот нема одржано прес-конференција откако беше реизбран за претседател на 73-от конгрес на ФИФА во Руанда во март 2023 година.

извор