Имаме ние народна песна за нашата дифолтна проблематичност со карантини и изолации. Иако поводот, се разбира, не бил коронавирус, не се сомневајте дека народниот дух не успевал да дијагностицира некои фиксни патерни во однесувањето на нашиот човек. Наравоучение: #НеБидиДедото. 

Нашиот тенор Благој Нацоски е во Италија и е жив и здрав но деновиве има изгубено пријател од вирусот (патем, без стандардните симптоми кои луѓето ги очекуват). Нацоски преколнува да не ја потценуваме заканата како што тоа го направи Италија и да го спроведеме сето она што е неопходно за да се спречи експлозија на ковид-19 во Македонија и колапс на здравствениот систем. Не од понеделник, веднаш.  

Наши луѓе и нивнoто уметничко шесто чуло знаат да убодат. Песната се вика „Џенем нека фати Италија“ а дека во таа песна сè е баш пасент зборува тоа дека ја изведува Прима бенд. А од каде се Прима бенд? Од Дебар.

Леле бе сега оној нашион кога ќе почне да го имитира Борисов во име на добрососедските односи. Па кога својот лидер ќе почнат да го имитираат неговите партиски фанови. Па кога ќе се јават аналитичари да објаснуваат дека и тоа е легитимен начин на носење маска....