Читател од Америка ни прати видео од средното школо во кое учи и син му (Дакота Хај-скул, Мичиген) кое таму се завртело по медиуми заради благородноста на соучениците на едно момче со Даунов синдром. Да учат и гостиварци и сите други како се прифаќаат дечиња со аномалии а богами и како се почитува државна химна.

Гевгеличанец, велат еснаф човек, зел кредит за да отвори ресторан. Вработил луѓе, делел плата. Му се здала финансиска полиција, му маваат 7000 (!) евра казна и забрана за работа. Наводно, поради 4 гости кои покажале лажен ковид сертификат. Нормално, од што инаку ќе гнете бирократијата метастазирана по катаљарда државни институции?

Почитувани, од новогодишните северни честитки би сакал да споделам со вас два примера кои ме изреволтираа многу па ги споделувам кај вас како ретко почитуван портал од моја страна.

Бугарската полиција во акција да спастри некакви анти-ваксерски демонстрации во Софија. Во еден момент, полицијата добива наредба да употреби солзавец. Во истиот момент, ветерот добива наредба да смени правец. Бугари немаат волку плачено откако Лепа Брена им откажуваше концерти без да објасни зошто.