Ново уметничко дело на Британецот Вејн Бинити се состои од цилиндрична стаклена скулптура полна со воздух извлечен од поларен мраз од 18 век, како и парче мраз од Антарктикот кое се топи пред очите на постителите.
Делото ќе биде изложено во Глазгов во текот на климатскиот самит на Обединетите нации, COP26. Целта е да се привлече вниманието кон политичките, економските но и поетските перспективи на поларните региони и нивната врска со климатските промени.
Инсталацијата ќе може да се допре, слушне, а парчето мраз дури и да се вкуси.
Наташа Атанасова (blen.mk) и Марија Павлеска (@mama_mi_chita) го започнаа книжевниот подкаст ЧИТКАСТ.
Во првата епизода низ игрив дијалог се покриваат куп теми, меѓу кои: Книга, киндл или аудиокнига?; Три книги со најголемо влијание на нивните животи; Една книга што би ја спасиле при пожар; Како бираат што читаат? итн.
Данскиот музички состав ЕФТЕРКЛАНГ ќе оджи концерт на отворено во културниот центар Паблик рум на 1 мај. Настанот, кој е замислен како “пикник – концерт” ќе започне во 14 часот.
ЕФТЕРКЛАНГ е дански бенд составен од три пријатели од детство, Мадс Браусер, Каспер Клаусен и Расмус Столберг. На 27 септември 2024 година го објавија нивниот 7 студиски албум насловен како “Things We Have In Common” со што ја започнаа својата светска турнеја.
Документарниот филм, “Efterklang: The Makedonium Band” (за кого во Букбокс пишувавме тука) беше премиерно прикажан во рамки на фестивалот “CPH:DOX” во Копенгахен, додека домашната премиера се реализираше во рамките на минатогодишниот филмски фестивал Синедејс.
