- Последното издание на стрипот за 6-годишниот Калвин и неговото тигарче, Хобс, излезе во 1995. Сега еден анонимен купувач добил рачно обоен неделен стрип кој бил објавен на 24 мај 1987 за 480.000 долари.
- Оваа продажба го надмина претходниот рекорд од септември годинава, кога рачно боен стрип на истиот автор од февруари 1992 се продаде за 216.000 долари. Истовремено, со најновата продажба „Калвин и Хобс“ се изедначи со рекордот за највреден оригинален стрип од весник кој е некогаш продаден на аукција. Тоа е првиот „Флеш Гордон“, креиран од американскиот цртач Алекс Рејмонд, објавен во јануари 1934, кој исто така се продаде за 480.000 во 2020.
- Стрипот некогаш му припаѓал на починатиот уредник на Вотерсон, Ли Салем кој го добил од авторот како подарок. Панелот содржи и посвета: „За Ли, со најдобри желби, Бил“.
- Дали е чудно да се каже антропологинка, етнологинка или гинекологинка? Одговорите на овие и многу други прашања ќе бидат во фокусот на дискусијата „Од каде сега феминативи?“, што ќе се одржи на 4 јуни (четврток) во Лабораториум со почеток во 19 часот.
- Иницијативата „Зборци“ организира отворена дискусија посветена на феминативите и нивната улога во современиот македонски јазик. Настанот ќе отвори разговор за тоа колку сме подготвени да ги менуваме јазичните навики и како зборовите влијаат врз начинот на кој ја разбираме и обликуваме реалноста.
- На настанот ќе се обратат проф. д-р Симон Саздов од Филолошкиот факултет „Блаже Конески“, етнологинката и антропологинка Јана Коцевска и македонистката и лекторка Татјана Б. Ефтимоска. Организаторите најавуваат отворен разговор во кој публиката ќе има можност активно да се вклучи и да придонесе кон дебатата за јазикот, родот и општествените промени.
- Филмот „Фјорд“ од романскиот режисер Кристијан Мунџиу ја освои Златната палма вечерва на 79-от Меѓународен филмски фестивал во Кан, објавија француските медиуми. Мунџиу ја доби својата прва Златна палма во 2007 година за филмот „4 месеци, 3 недели и 2 дена“.
- Гран при наградата ја освои продукцијата „Минотаур“ од рускиот режисер во егзил Андреј Звјагинцев, додека наградата на жирито ја доби филмот; „Сонуваната авантура“ во режија на Валеско Гризебах.
- Наградата за најдобар режисер им припадна на Хавиер Калво и Хавиер Амбрози за филмот „Црната топка“ (La Bola Negra), како и на Павел Павликовски за филмот „Татковина“.
- Претседател на жирито оваа година беше јужнокорејскиот режисер Парк Чан Вук, а во жирито беа американската актерка Деми Мур (Мур) и кинеската режисерка Клое Жао.
