- Во САД во тек на ноември традиционално се одвива Националниот месец на пишување романи, скратено NaNoWriMo. Целта е учесниците да напишат скица за прозна книга од 50.000 зборови. Минатата година беа пријавени рекордни 400.000 луѓе, кои веројатно се надеваат дека нивното дело наскоро ќе биде официјално објавено.
- Според коментаторка на Слејт тактиката проектот да се фали со досегашни успешни (објавени и денес познати) учесници е погрешна, и дека учеството во еден ваков предизвик треба да биде контракапиталистички чин - начин да се докаже дека не мора сè да биде „продуктивно“. Плетење, готвење, столарство, хобија кои некогаш му носеле радост на создавачот сега станаа само вовед во сопствено ангажирање со одржување на профили на социјалните мрежи, броење лајкови и амбиција да се стане „инфлуенсер“. Пишувањето, како и која и да е друга вештина, треба да прави ќеф, без да се биде раководен од идејата „што со тоа?“.
- „Напишете книга во текот на ноември но дозволете си таа да биде лоша“, вели таа. Ако има потенцијал, во останатите 11 месеци ќе имате време да ја дотерувате.
- Во вторник, 28 јули од 20:30 часот во Сули-ан ќе биде промовирана поетска антологиja, подготвена од проф. д-р Иван Џепароски, која обединува избрани творби од македонски и странски автори посветени на Скопje и неговата мемориja. Проектот е надополнет со фотографиите на Сашо Алушевски, кои преку визуелен jaзик сведочат за архитектонското наследство што го преживeaло земјотресот.
- Фотографската изложба опфаќа триесетина фотографии и претставува лична авторска интерпретациja на Скопje како простор во кој минатото и сегашноста постоjaно се преплетуваат. Низ фотографиите се отвораат асоциjaции за времето, сеќавањaта, насобраните конотации и симболите што со децении се таложеле околу градот и неговите обjeкти.
- Посебно место во изложбата имаат фотографии кои се изработени со посебна техника така што под дejство на сончевата светлина со текот на времето постепено ќе исчезнат, метафора за Скопje кое полека го менува своjот лик. На тоj начин, изложбата не е само навраќање кон сеќавањето на земјотресот од 1963 година, туку и размислување за современото Скопje, неговите трансформации и постепеното исчезнувањe на делови од неговиот препознатлив урбан идентитет.
- Утре ( 26 јули) во 20: 30 часот, во Музејот на Град Скопје ќе се отвори изложбата „Архив на тага: Скопје 1963“, со фотографии на етномузиколог и фоклорист Васил Хаџиманов од тажачките обреди по земјотресот. Монографијата „Тажачки песни од скопскиот земјотрес во 1963 година“ од Ана Мартиноска и Жарко Иванов беше промовирана во декември 2023.
- Веднаш по земјотресот во Скопје на 26 јули 1963, Хаџиманов со касетофон ги снимал тажачките песни или редачките на гробиштата на погребите на загинатите, потоа нотно и текстуално ги запишувал, а овие белешки и снимки стоеле долго во архивата на МАНУ, каде што ги однел неговиот син Зафир.
- Утре покрај изложбата, ќе биде промовирано и дополнетото и двојазично (на македонски и англиски) издание на книгата „Тажачки песни од скопскиот земјотрес во 1963 г. (Од архивските материјали на Васил Хаџиманов)“. Настанот се одвива во знакот на одбележувањето на 120-годишнината од раѓањето на Васил Хаџиманов.
