Bookbox › Набрзинка

Out of Frame - бесплатни работилници за млади фотографи

25 април 2025

Центарот за развој на фотографија од Белград, во соработка со Музејот на град Скопје, како дел од регионалниот проект кој ги собира експертите и фестивалските фотографии од Србија, Црна Гора и Северна Македонија, организира бесплатна менторска програма „OUT OF FRAME“ во Скопје.
„Ако си млад(а) фотограф/ка од Северна Македонија (21-35 години), амбициозен/на да развиеш своја професионална кариера во полето фотографијата, бараш квалитетно менторство, контакти и видливост-тогаш оваа програма е за тебе“ велат организаторите.
Рок за пријавување: 4 мај 2025 година. Почеток и траење на работилниците: од 12 до 30 мај 2025 година.

Место на одржување на работилниците: Музеј на град Скопје

Линк за пријавување: тука

Програмата ја водат тим од реномирани експери со големо искуство со фотографијата и едукацијата (повеќе детали на линкот).

извор

Повторно „оживеани“ фотографии од браќата Манаки

25 октомври 2025

Во понеделник, 27 октомври во 20 часот, во Културно Информативниот Центар – Скопје, ќе се отвори изложба на дела настанати на работилниците за алтернативна фотографија кои се одржаа во село Смилево, во организација на фестивалот Зрно.
Од 17 до 23 јули, манастирот „Св. Петар и Павле“ во Смилево беше дом на едно од највпечатливите летни уметнички собирања каде колу педесет фотографи и млади автори од различни европски земји, заедно со волонтери од Македонија, Србија и Словенија, учествуваа на четвртото издание на Зрно, посветено на благородните фотографски процеси.
Оваа година, фестивалот Зрно ја збогати својата програма со исклучително значаен сегмент – изложба што вклучува негативи од опусот на браќата Манаки, љубезно отстапени и дигитализирани од Архивот на Македонија – одделение Битола. Овие ретки материјали, сведоштва на првите чекори на балканската фотографија, беа повторно оживеани преку нивна современа интерпретација во различни историски техники. На тој начин, им беше подарен нов живот – како поетски дијалог меѓу минатото и сегашноста, и како искрена почит кон визионерството и наследството на браќата Манаки, во рамки на овогодинешната соработка меѓу Зрно и Архивот на Македонија.

извор

Почнува 4-тата конференција „Наука за деца“

16 октомври 2025

4-тата научна конференција „Наука за деца“ ќе се одржи утре и задутре (17 и 18 октомври) во приватното училиште „Нова“ во Скопје, а оваа година темата е вештачка интелигенција (ВИ)
Во рамките на отворањето утре, петок, предавања ќе одржат трите стипендистки – Ангела Тунеска, Софија Петковска и Деа Атанасов, кои изминатата година работеа со нивните ментори Илија Дуковски (Boston University), Андреј Ристески (Carnegie Mellon University) и Билјана Мојсоска (Roskilde University). Задутре, сабота, ќе се одржат работилниците на следниве теми: 1. ШТО БАРАШ ТИ ВО МОЈА ПЕСНА? - ЧОВЕК И МАШИНА ВО ДУЕТ со Никола Перевски - Пере и проф. Никола Стиков, 2. В.И. ВО УЧИЛНИЦАТА: СОНУВАМЕ ЗА ЧАС ОД ИДНИНАТА со Мирјана Пауновска, м-р Драгана Стиков и проф. Ана Стојанов

Пријавувањето на работилниците се уште трае (до пополнување на местата), тоа можете да го направите тука.

извор