- На 23 мај 2023 година (вторник) во 10 часот проф. д-р Ден Шехтман ќе одржи предавање на Институтот за хемија при Природно-математичкиот факултет под наслов: „Technological Entrepreneurship - Key to World Prosperity and Peace“. Во фокус ќе биде потребата од развој на технолошкото претприемништво како основа за глобален напредок. Toa e oтворено за студенти, наставен кадар, како и за сите заинтересирани.
- Потесна специјалност на проф. Шехтман се квазикристалите, за чии истражувања ја доби Нобеловата награда за хемија во 2011. Кога почнал да работи на кристалографијата, кон крајот на 1970-тите, тоа веќе била зрела научна дисциплина, но неговите откритија биле овозможени со примената на тн. трансмисиона електронска микроскопија со која тродимензионалната структура на кристалите можела да се испитува на многу помали примероци. Интересно е дека инспирација за ова добил од исламските мозаици кои имаат подреден распоред, но не се повторуваат.
- Посетата на д-р Шехтман на Македонија ја организира МАНУ во ко-организаторство на Сојузот на хемичари и технолози на Македонија (СХТМ).
- Во вторник, 28 јули од 20:30 часот во Сули-ан ќе биде промовирана поетска антологиja, подготвена од проф. д-р Иван Џепароски, која обединува избрани творби од македонски и странски автори посветени на Скопje и неговата мемориja. Проектот е надополнет со фотографиите на Сашо Алушевски, кои преку визуелен jaзик сведочат за архитектонското наследство што го преживeaло земјотресот.
- Фотографската изложба опфаќа триесетина фотографии и претставува лична авторска интерпретациja на Скопje како простор во кој минатото и сегашноста постоjaно се преплетуваат. Низ фотографиите се отвораат асоциjaции за времето, сеќавањaта, насобраните конотации и симболите што со децении се таложеле околу градот и неговите обjeкти.
- Посебно место во изложбата имаат фотографии кои се изработени со посебна техника така што под дejство на сончевата светлина со текот на времето постепено ќе исчезнат, метафора за Скопje кое полека го менува своjот лик. На тоj начин, изложбата не е само навраќање кон сеќавањето на земјотресот од 1963 година, туку и размислување за современото Скопje, неговите трансформации и постепеното исчезнувањe на делови од неговиот препознатлив урбан идентитет.
- Утре ( 26 јули) во 20: 30 часот, во Музејот на Град Скопје ќе се отвори изложбата „Архив на тага: Скопје 1963“, со фотографии на етномузиколог и фоклорист Васил Хаџиманов од тажачките обреди по земјотресот. Монографијата „Тажачки песни од скопскиот земјотрес во 1963 година“ од Ана Мартиноска и Жарко Иванов беше промовирана во декември 2023.
- Веднаш по земјотресот во Скопје на 26 јули 1963, Хаџиманов со касетофон ги снимал тажачките песни или редачките на гробиштата на погребите на загинатите, потоа нотно и текстуално ги запишувал, а овие белешки и снимки стоеле долго во архивата на МАНУ, каде што ги однел неговиот син Зафир.
- Утре покрај изложбата, ќе биде промовирано и дополнетото и двојазично (на македонски и англиски) издание на книгата „Тажачки песни од скопскиот земјотрес во 1963 г. (Од архивските материјали на Васил Хаџиманов)“. Настанот се одвива во знакот на одбележувањето на 120-годишнината од раѓањето на Васил Хаџиманов.
