Bookbox › Набрзинка

Награди на Канскиот филмски фестивал 2024

25 мај 2024

Златна палма: „Анора“ (сценарио и режија Шин Бејкер), американска драма-комедија за млада стриптизерка од Бруклин која се мажи со син на руски олигарх)

Гранд При - „Сè што замислуваме како светлина“, прв индијски филм одбран за натпреварувачката програма во последните 30 години

Најдобро сценарио: „Супстанцата“ (хорор за пластична хирургија со Деми Мур во главната улога)

Главни женски улоги: „Емилија Перез“ (групна награда за нешто што Лили Гледстоун, членка на жирито, го нарече „хармонија на сестринството“, мјузикл за шеф на картел во Мексико кој исчезнува за потоа да се појави како жена)

Најдобар машки актер: Џеси Племонс за три улоги во „Видови љубезност“, надреална сатира на Јоргос Лантимос

Посебна награда жирито воведе за иранскиот режисер Мохамад Расулоф, кој присуствуваше во Кан соочувајќи се со голем ризик, бегајќи од осумгодишна затворска казна за својата политичка драма „Семето на светата смоква“. Истовремено, филмот ја доби и наградата ФИПРЕСЦИ за филм во натпреварувачката програма.

Награда за режија: „Гранд тур“ на португалскиот режисер Мигуел Гомес.

Останатите награди на линкот.

извор

Иво Бару е победник на државното првенство во Катан и оди за Португалија

28 септември 2026

Вчера, 27 септември, Иво Бару ја освои титулата на „Државното првенство во Катан 2026“. Шампионатот се одржа во новоотворениот простор за друштвени игри „Рулбук“ во Скопје, а турнирот беше организиран од „Гоблин“. На масите се собраа 64 играчи, кои повеќе од десет часа се натпреваруваа за титулата најдобар играч на „Catan“ во земјава.
Победата има и дополнително значење бидејќи со неа Бару добива можност Македонија да ја претставува на европската сцена. Како национален шампион, тој ќе настапи на CATAN European Championship 2026, кое во ноември ќе се одржи во Португалија. Според официјалниот систем на CATAN, националните првенства се патот преку кој играчите се квалификуваат за меѓународните натпревари, а шампионите добиваат можност да се борат со најдобрите играчи од другите земји.
Иво има пишувано во нашата подрубрика Букбокс друштвени игри, осврт под наслов „Фотосинтеза или како да не бидеш 'дрво' за садење дрвја“.

извор

Чуму слобода?: фестивал Букстар од 28-30 септември во Скопје

23 септември 2026

Од 28-30 септември на повеќе локации во Скопје ќе се одржи 12-тото издание на фестивалот Букстар. Тој оваа година го отвора прашањето ЧУМУ СЛОБОДА? односно FREE AT LеAST?, инспирирано од зборовите на Мартин Лутер Кинг Јуниор: „Никој не е слободен сè дури сите не сме слободни“. Во време кога границите – видливи и невидливи – повторно се појавуваат околу нас, книжевноста останува простор во кој БАРЕМ мислата може да се движи без ограничувања, велат организаторите од издавачката куќа „Антолог“.
На 28 септември од 18:30 во Лабораториум ќе се одвива разговор со неколку македонски писатели со модераторката Фросина Пармаковска на тема „Од робот до четбот: дискусија за ерата што доаѓа“.
На 30 септември во Europe House во Скопје, со почеток од 16 часот ќе се одржи мал омаж во кој уредници на четири издавачки куќи и познавачи на творештвото на неодамна починатата иранска авторка Марџан Сатрапи ќе се осврнат на нејзиното творештво, а модератор ќе биде Ивица Дукоски. Истата вечер од 19 часот е предвиден разговор со Ѓузел Јахина, авторка на „Зулехја ги отвора очите: патување во еден книжевен универзум“.
Помеѓу гостите на фестивалот е и најчитаниот шпански автор Елој Морено. Во 2025 година, заедно со илустраторот Давид Сиера, тој ја објави „Новото патување на Малиот принц“, продолжение на „Малиот принц“. Покрај тоа, шпанскиот автор на 8 февруари 2025 година го собори Гинисовиот светски рекорд за најмногу потпишани книги во 12 часа, со неверојатни 11.088 потпишани книги.

Целосната програма и списокот на учесници се достапни на социјалните мрежи на Антолог.

извор