Bookbox › Набрзинка

Давид Јанев ќе ја претставува Македонија на СП во „Катан“

17 февруари 2025

Оваа недела, 16 февруари, во културниот центар Лабораториум се одржа Државното првенство во популарната друштвена игра „Катан“, организирано од „Гоблин друштвени игри“.
На првенството учествуваа 64 натпреварувачи, со амбиција да станат државен првак и да ја претставуваат Македонија на Светското првенство коешто ќе се одржи во Штутгарт (Германија) од 4-6 април.
Победникот на државното првенство и претставник на светското првенство во друштвената игра Катан за 2025 е Давид Јанев, којшто постигна одлични успеси од коло фазите, па се до финалето.

Види претходно:
„Катан“ - игра за цел живот од Бенџамин Блекнер
Букбокс интервју со победникот од 2023
Почина Клаус Тојбер, креаторот на „Катан“ (2023)

извор

Букер 2025-та за унгарско-британскиот автор Дејвид Залеј

11 ноември 2025

Авторот Дејвид Залеј стана првиот унгарско-британски автор што ја освои наградата Букер. Неговиот роман „Месо“(Flesh), приказна за преминот од сиромаштија во богатство што ги истражува класата и моќта, беше опишан како „извонреден, единствен роман“ од претседателот на жирито, Роди Дојл.
Извадок од книгата, изведен од раперот Стормзи, беше прочитан на церемонијата во Лондон, на која присуствуваа познати гости, меѓу кои и актерот од „Белиот лотос“, Џејсон Ајзак, комичарката Сара Паско и ветеранот комичар сер Лени Хенри.
Залеј, кој претходно беше номиниран во потесен избор во 2016 година за „Сè што е човекот“, доби 50.000 фунти и трофеј доделен од минатогодишната победничка Саманта Харви. За нејзината книга „Орбитал“ пишувавме тука.

извор

Koj влезе во Рокенрол халата на славните за 2025?

9 ноември 2025

Церемонијата на влез во Рокенрол халата на славните се одржа вчера, 08.11.2025, во театарот Пикок во Лос Анѓелес. Овогодинешната „класа“ ги вклучи: Бед компани, Чаби Чекер, Џо Кокер, Синди Лопер, Ауткаст, Саундгарден, Вајт Страјпс, Ворен Зевон, Солт-н-пепа, Том Бел, Ники Хопкинс и Керол Кеј. За оние кои имаат претплата на Дизни+ церемонијата во моментов е достапна за стримување.
Уште поинтересно од самите добитници се оние кои ги воведуваат во престижното друштво. Taка, Синди Лопер беше претставена од Шапел Роан, Саундгарден од Џим Кери, Ворен Зевон од Дејвид Летерман. Чаби Чекер имаше краток претходно снимен говор бидејќи од непознати причини не сакал да присуствува на прославата.
Имаше политички пораки. На пример Хиро Јамамото, оригиналниот басист на Саундгарден, го искористи својот говор за да привлече внимание на начинот на кој се третираат имигрантите од страна на агенти на Oдделението за имиграција и царина на САД (озлогласеното ΙCE). Но и емотивни, како оној на Мат Камерон од Саундгарден: „Го прифаќам ова признание во име на фановите на нашата музика, како и на осамениците, оние кои не се вклопуваат и интровертите, кои наоѓаат утеха во стиховите и музиката на мојот херој и содружник, Крис Корнел“.

извор