Пред некое време пишувавме за апликацијата за чукање на машина на Том Хенкс. Набргу потоа таа стигна до првото место на АppStore (добивме дури и благодарница).
Една од нејзините карактеристики е што дур пишувате таа може да симулира и соодветни звуци, кои потсетуваат на оние вистинските кои ги испушта машината за чукање. Но замислете како што спрегата помеѓу типките и ваљакот можат да создадат еден цел аналоген оркестар, така и она што е напишано на неа да може да биде преведено во звук.
D.O.R.T.H.E е машина која го овозможува тоа, а претставува систем направен од стара, фрлена електроника, која неговите автори, Ласе Мунк и Сорен Андреасен од Данска ги наоѓале по отпади. Со комбинирање на делови од стари апарати - скенер, печатар, радио, касетофон и машина за чукање - тие успеале за само 300 долари да направат електронска музичка кутија, која секоја буква напишана на машината ја преведува, преку соодветен софтвер, во стакато („скокачка") музичка секвенца. Постои и музичка илустрација за одредени зборови, како „радост", „страв" и „непријатност". Ова оттаму претставува еден вид семантичка музика, во која знаците стануваат звуци, но и звуците претставуваат конкретен знак, од репертоарот на оние кои ги содржи машината за чукање.
Видео кое го прикажува процесот - не дека е некоја музика, но интересно е како проект од областа на рециклирањето, на зборови во музика, и на електроника во инструменти
