Том Вејтс, Ник Кејв, Бон Ајвер, Френсис Блек од Пиксис, и уште дваесетина други, се автори на книгата поттикната од Џеф Антеби, основач на дискографската компанија Ваксплојтејшн. Тој последниве 10 години собирал прилози од музичари и уметници-илустратори за да направи „книжевен микстејп“, составен од приказни за пораснати деца.
Книгата ќе биде придружена и од серија кратки филмови, чии наратори, меѓу другите, ќе бидат Дени Девито, Зак Галифијанакис и Ник Оферман. Приходот од продажбата ќе оди за две хуманитарни организации, „Соба за читање“ и „Моливи за ветување“, кои се обидуваат да изградат училишта во сиромашни региони во светот, и да ја промовираат писменоста и читањето.
„Приказни за начини и средства“ е отпечатена во ограничен тираж, обичното издание (во тврд повез) се продава за 98 долари, а 100 примероци со автограм од музичарите се продава за 500 долари.
Подолу е трејлерот, а ако ви прави мерак можете да ја нарачате тука
