За овие пари Џонсон најмногу се изнаработил за време на 30-минутниот говор пред учесниците на Конференцијата на Советот на агенти за осигурување и брокери, и уште 45-минути интерактивен разговор со нив.
Џонсон првично пријавува само 150.000 долари хонорар од оваа тезга, но подоцнежните документи до кои доаѓа Скај њуз, покажуваат дека сумата е над 320.000 долари.
Освен дневницата на Џонсон, организаторите плус подмириле превоз и сместување за него и двајца негови асистенти.
Сумите се од официјалните документи за примени подароци што Џонсон мора да ги пополнува како пратеник во британскиот парламент. Во нив стои и дека Руперт Мердок му има платено речиси 13.700 долари авионска карта на Џонсон за лет и сместување на поранешниот премиер и двајца негови соработници на конференција во Монтана. Како и тоа дека донатори на Џонсон, му дозволиле на екс-премиерот и неговото семејство да престојуваат во нивната куќа во Доминиканската република.
