Лошо почна најголемото македонското ракометно дерби меѓу Вардар и Еурофарм Пелистер во кое за среќа немаше повредени, ама и покрај хаосот забележани се фини примери како дел од навивачкиот кодекс, кои не ги прави секој.

На дербито од Суперлигата во Јане Сандански немаше игла кај да се фрли, а атмосферата која ја направија Комити потсетува на големите битки кои европскиот првак ги биеше против Кил, Барселона, Кјелце, Веспрем. Црвено црните славеа 31:24, за фешта на играчите и навивачите. Го распослаа и големото знаме.

Од СЕХА лигата се решија малку на забава и снимија видео со тренерите и играчите на Вардар и Партизан. Кај двократниот европски првак на прашањата на тренерот Владо Недановски одговараат Филип Талески, Дејан Манасков, Мартин Карапалевски и Мартин Томовски.

Капитенот на Вардар, Столе Стоилов е разочаран од одлуката на ЕХФ со која вели дека клубот е бездушно казнет и вратен многу назад.

По соопштението во четвртокот во кое ги истакна финансиските проблеми и долговите од 2,5 милиони евра, кои ги наследил од Самсоненко, првиот човек на Вардар одржа прес конференција за истата тема.

Пет дена по соопштението на Михајло Михајловски во кое вели дека го преземал Вардар со долгови спрема играчите од 2,5 милиони евра, нема реакција од Сергеј Самсоненко, туку преку соопштение се огласи извршниот директор на клубот во тоа време.

Првиот човек на Вардар, Михајло Михајловски обелодени дека неговиот претходник му оставил долг кон играчите од 2,5 милиони евра, што е голема сума за плати во спорт како ракометот. Да се потсетиме што изјавуваа оштетените страни кои испишаа историја и се бореа до крај, а истовремено голтаа кнедли.

Тешки мигови за РК Вардар. Неодамна се радуваше на две европски титули и предизвика луда ракометна треска, која очигледно ќе згасне или ќе спласне без магијата наречена Лига на шампиони.

Еден ден откако ЕХФ и официјално потврди дека го исфрла двократниот европски првак од ЛШ за следната сезона, стигна соопштение од Јане Сандански, во кое работите ги образложува првиот човек на клубот.

РК Вардар нема никаква реакција до јавноста за егзодусот кој му се случи на европска сцена, па како и во сите претходни тешки мигови за клубот, со свој став се изјаснуваат нивните најверни навивачи. Прстот го вперуваат на две страни.

Европската ракометна федерација ја потврди одлуката на Извршниот Комитет, да не му се дозволи следната сезона учество на македонскиот првак во европските купови. Тешко на Вардарци, а со тоа и на македонскиот ракомет.

Ракометната федерација на Македонија одлучи да испрати писмо до ЕХФ во овие тешки и специфични мигови за двократниот европски првак.

Еден ден по најавата дека РК Вардар следната сезона ќе остане без настап во Лига на шампиони, се огласи претседателот на клубот кој вели дека правдата ќе ја тера до крај.

Само еден ден по ракометната треска во Келн, место од кое скопската публика има силни спомени кои вечно ќе ги паметат, на површина повторно испливуваат старо новите проблеми на двократниот првак на Европа.

Триумфот на дербито против Еурофарм Пелистер, клучен за титулата, ракометарите на Вардар почнаа да го слават прво во соблекувалната во салата во Битола, а потоа на свој терен. Пред Јане Сандански ноќта имаа славенички пречек од Комити кој вреди да се погледне.

Ајде сега барем за момент да ги ставиме на пауза ривалството, паролите, скандирањата, инцидентите, трката за титулата. Тргнете се да поминат Столе Стоилов и Чкембарите.

Со триумфот над Еурофарм Пелистер од 23:26, Вардарци на три кола пред крај во кои се апсолутни фаворити, се на чекор до шампионската титула број 15. Славењето на ракометарите почна уште во соблекувалната во битолската сала, а потоа продолжи во Скопје, каде беа пречекани од Комити.

И покрај тоа што ова не се денови на радост за Вардар, кој во рок од неколку дена загуби дома од Еурофарм Пелистер, па од Веспрем, сепак верноста на навивачите синоќа повторно беше на ниво. ЕХФ тоа го препознава и го истакнува.

По поразот од Еурофарм Пелистер во Суперлигата, ракометарите на Вардар повторно загубија пред своја публика, овој пат од Веспрем во осминафиналето на ЛШ.

Европската ракометна федерација ги суспендираше руските и белоруските екипи од сите натпреварувања кои се под нивна капа. И машки и женски. Истото важи и за репрезентациите.

Тогаш ја имаше функцијата на помошник тренер, а четири години подоцна добива поголема одговорност, а тоа е да го води двократниот првак на Европа. Незаборавното шампионско селфи на Давид Дејвис за време на вардаровата ерупција на плоштад, на 6 јуни 2017-та.

Седум порази во низа во Лигата на шампионите се доволна причина за да се преземе одговорност.

Вардар бележи втор пораз по ред во Лига на шампиони. По мечот против Монпелје во Скопје, црвено црните загубија и на гостувањето кај ланскиот финалист Алборг со 33:29. Вујовиќ ги загуби нервите поради млаката одбрана и лесните продори на Палмарсон, а потоа се сврте накај Њокас: Ок ли сте? Ова не е ракомет.

Едвај две недели има откако направи трансфер од Металург во Вардар, а веќе ги воодушеви навивачите и со вакви гестови им станува миленик. Њокас блесна против Мешков Брест со 8 од 8, а вечерва во дербито против Пелистер навиваше и скокаше од трибина како прав навивач.