Диего Симеоне првпат загуби натпревар во Лигата на шампионите на домашен терен. Манчестер Јунајтед го совлада тврдиот Волфсбург, а победи славеа уште и ПСЖ, ЦСКА Москва, Реал Мадрид, Јувентус и Манчестер Сити.

Ако се погледне статистиката, на Арсенал црно му се пишува. Само 8% од екипите кои ги загубиле првите две кола во Лига на шампиони успеале да се пласираат во следната фаза. Но ниту една од нив во трето коло не се соочила со Левандовски.

Второто коло од Лигата на шампиони донесе неколку изненадувања. БАТЕ Борисов ја тресна на домашен терен Рома со 3:2, а со ист резултат Олимпијакос го замолкна Емирати. Челси е поразен во Порто, а Левандовски продолжи по старо.

БАТЕ Борисов вечерва ја пречекува Рома во рамките на второто коло од ЛШ. Пред 10 години овие два противника биле разделечени 264 места на ранг листата на УЕФА, а сега се на 58 и 61 место.

Учесникот во Лигата на шампионите, Бундеслигашот Волсфбург се соочува со сериозно неизвесна финансиска иднина, поради големиот скандал во кој е вмешана автомобилската компанија Фолксваген.

Во деновите кога на стоперот на ПСВ Ајндховен, Хектор Морено му стигнуваат закани по живот поради бруталниот старт над Лук Шо, легендата на Јунајтед Рој Кин ги запрепасти навивачите на Манчестер со изјава за фаулот.

Швеѓанецот вели дека дуелот Малме - ПСЖ ќе се расчуе во цел град, а сега сака да се осигура дека сите луѓе во неговиот роден град, ќе имаат можност да го гледаат.

Еден од навивачите на Арсенал кој допатувал во Загреб на мечот Динамо - Арсенал вели дека подобро да ги фрлел парите во вода, отколку што го гледал очајниот Арсенал кој загуби 2-1.

Навивачите на Баерн Минхен ќе го паметат гостувањето во Пиреја по убедливата победа од 0-3, но и по бруталниот ќотек кој го добија од грчката полиција.

Топџиите ја играат дури 18-та сезона по ред во Лигата на шампионите, а нивниот тренер синоќа против Динамо Загреб го запиша 50-от пораз во елитното натпреварување со што стана негативен рекордер.

Динамо Загреб со единствениот македонскиот претставник во ЛШ, Аријан Адеми го направи најголемото изненадување на вечерашните средби во елитното натпреварување. Челси и Баер Леверкузен беа убедливи пред своите навивачи, а Зенит и Баерн со полн плен на гости.

Фудбалерот од средниот ред на Рома го начека празен голот на Барселона и откако Тер Штеген излезе понапред од што треба, во 31 минута го израмни резултат против Барселона за ерупција од воодушевување на Олимпико во Рим. Голот за Барса го даде Нејмар 10 минути претходно.

Дербито на втората вечер од ЛШ ќе се игра на Олимпико во Рим, каде Рома ја пречекува Барса. Римјаните веруваат дека може да ја продолжат неуспешната серија на Каталонците, кои во Италија победија само еднаш на последните шест средби.

И покрај тоа што паднаа 20 голови на 8 меча, главна улога на синоќешните мечеви од ЛШ имаа голманите Џанлуиџи Буфон, Џо Харт, Виланд од Малме и Акинфеев од ЦСКА Москва.

Во рамките на првата вечер од ЛШ, шведскиот Малме му гостуваше на ПСЖ и загуби со 2:0. Пред мечот гостинскиот тренер изјави дека фокусот не им бил само на Златан Ибрахимовиќ.

Раководството на Баерн Минхен ќе отвори посебен камп за децата бегалци каде ќе тренираат, ќе посетуваат часови по германски и ќе добиваат бесплатни оброци. Клубот ќе донира 1,1 милион евра за овој проект кој го започна со нивното појавување на терен пред 75.000 навивачи кои аплаудираа.

Јувентус го совлада Манчестер Сити 1-2 на гостински терен и направи големо изненадување во првото коло од ЛШ. Реал убедлив против Шахтјор, Јунајтед поразен во Ајндховен, лесни победи на ПСЖ и Севиља.

Жени (освен вие што пратите фудбал) нема љутиш. На 15 септември почнува тоа што во вторник и среда (има и паузи) од 20:45 до 22:30 ќе ни биде празник за душа и очи. Ако нè сакате и разбирате донесете ни пиво и кикирики, а ако сакате и придружете ни се, но немојте во тие два саати да ни зборувате за тоа дека треба дома да се менуваат завесите. Ова важи од вечерва, па до финалето на 28 мај 2016-та, кое се игра на Сан Сиро во Милано. 

Со натпреварите од првото коло во групната фаза, вечерва започнува 23. сезона на Лигата на шампионите во која никогаш никој не ја одбранил титулата освоена претходната сезона.

Во петтото учество за нив во Лигата на шампионите, Динамо Загреб ќе игра против Баерн Минхен, Арсенал и Олимпијакос.

Манчестер Јунајтед го совлада Клуб Бриж со 0-4 и со вкупни 7-1 се пласираше во Лигата на шампионите. Руни постигна хет-трик, но остана во сенка на катастрофалното издание на Хавиер Ернандез Чичарито кој најпрвин промаши пенал, а потоа и колосална шанса.

Милан Пике е синот на Пике кој го постигна победничкиот гол и го подигна трофејот во најелитното клупско европско натпреварување.

Никој од последните четири европски прваци Челси, Баерн Минхен, Реал Мадрид и Барселона немаше помал буџет за плати од 200 милиони евра.

По новата тројна круна освоена со Барса сезонава, на Жерар Пике ќе му треба време за да ги изброи сите трофеи во богатата кариера. Од помош во броењето може да му бидат сите мрежи што ги исече по шампионските славја.