Македонската фудбалска репрезентација првпат во својата историја заврши на 3. место во една квалификациска група. Но далеку поважна е атмосферата во селекцијата, квалитетот и талентот на овие дечки кои дефинитивно имаат потенцијал да отидат на Европско.

Репрезентацијата на Велс утре вечер на домашен терен игра директен дуел против Словачка за пласман на Европско 2020 година. Кој победи оди на големиот турнир. Во меѓувреме, навивачите на Велс во Азербејџан се спрдаваа со односот на Бејл со Реал Мадрид каде најчесто игра голф и не тренира со првиот тим.

Сценава на синоќешниот меч меѓу Израел и Полска е настварна. Влетува падобранец на терен, полицаец се стрчува да го фати и место него, му влегува на полскиот дефанзивец Томаш Кедзора. На крајот несреќник е и тој и фудбалерот, бидејќи и двајцата лежеа повредени на терен. Левандовски куртули, а за малку и него ќе му клизнеше. Оф мори мајко, каква циркузијада е ова.

Македонската фудбалска репрезентација не успеа да направи сензација на тешкото гостување на стадионот Ернст Хапел во Виена, но со оглед на тоа колку многу звучи имиња немаше во комбинација за прв состав, поразот воопшто не е катастрофален како што беше во Скопје.

Репрезентацијата на Сан Марино изгуби дома од Казахстан 1:3 во квалификациите за ЕП2020, а стрелец на голот за домаќините беше Филипо Берарди. Тој стана 16-от играч во историјата на оваа селекција којшто дал гол. Сан Марино последен пат постигна гол на 4. септември 2017 година против Азербејџан (1:4).

Тоа за што сонуваме ние 25 години, синоќа и се оствари на Финска која за прв пат во својата историја ќе игра на едно големо натпреварување. 

Италијанскиот селектор Роберто Манчини беше човекот кој ја направи потребната смена на генерација и тоа му донесе фантастичен резултат. Растурија во квалификациите и најавуваат поход на злато со фудбалери кои се полу-анонимни за светски рамки.

Кристијано Роналдо после две замени по ред (викаат дека во кариерата немал такво нешто одамна), отиде да игра за репрезентацијата на Португалија и сам ја растури Литванија (6:0).

Додека трае уште една студена зима во Финска, целата нација ја грее помислата на историски пласман на Европско првенство 2020. Ги очекува уште еден, мал чекор на домашното стадионче со 10.770 места.

Во квалификациите за Европско првенство 2020, Романија на домашен терен ја пречека Норвешка и мечот заврши 1:1. Поради суспензијата која што УЕФА им ја врачи, Романците не пуштија карти во слободна продажба, туку по дозвола од УЕФА пуштија 30.000 деца на стадион.

Во понеделникот репрезентацијата на Украина го победи европскиот шампион Португалија со 2:1 и меѓу првите обезбеди пласман на Европско првенство 2020. „Жолто-сините“ играат многу убедлив фудбал, а ренесансата ја направи легендарниот Шева.

32 години играат квалификации. Одиграле 136 натпревари и не победиле ниту еднаш. На ФИФА ранг листата се 210-ти од 210 репрезентации на светот. И секој нареден натпревар, домашните навивачи одат на стадионот „Олимпико“ со надеж дека можеби сега е моментот.

На гостувањето кај Шведска, Шпанците играа одличен фудбал, имаа посед на топка и неколку шанси, ама Швеѓаните поведоа први преку Берг во 50’ минута. Голем бод на Шпанија и донесе Родриго во 90+2’, ама и Де Хеа кој пред да излезе поради повреда во 60’ минута, бранеше добро.

Хрватска поведе со 0-1 во Велс, но домашните израмнија 1-1 и тоа беше крајниот резултат на мечот од квалификациите за Европско 2020. Хрватите се на прагот од пласман, а Велс ќе мора да се помачи. Исто како и овој нивен полициски службеник кој беше издриблан од хрватски навивач.

Во само три дена, турските репрезентативци, и покрај предупредувањата од УЕФА, одново направија војнички гест со кој ја поздравуваат турската акција на северот од Сирија против Курдите.

И покрај тоа што претседателот на Црногорската фудбалска федерација, легендарниот Дејан Савичевиќ пред мечот Косово - Црна Гора од квалификациите за Евро 2020, го посети гробот на некогашниот прв човек на фудбалскиот сојуз на Косово Фадиљ Вокри, и покрај тоа што Црна Гора меѓу првите го призна Косово како независна држава, сепак во Приштина им се исвирка химната на „соколите“.

Печат на картите за Европско првенство преку традиционалните квалификации обезбедија Украина, Полска, Италија, Русија и Белгија. На 1 бод од пласман се 5 селекции, а другите чекаат да им се поклопат коцките.

Во 35’ минута од дуелот на „Стожице“ во Љубљана, гостинскиот десен бек Улмер го имаше најкриминалниот прекршок во квалификациите за Европско (конкурент му е нашиот Несторовски), иако делува дека и двајцата немаа никаква намера. Настрада шпицот Роман Безјак кој за кратко време го продолжи натпреварот а Улмер доби само жолт картин од Чакир.

Седумдесет и четири минути Македонија се носеше со силната Полска, но на крајот не издржа. Франковски и Милик го совладаа Столе Димитриевски. Австрија и Полска на прагот од Европско, а нашите фудбалери оставија одличен впечаток пред баражот од ЛН во март 2020.

Македонската фудбалска репрезентација ја оствари многу посакуваната победа против Словенија со двата гола на македонскиот бисер и член на Наполи. Лошо прво, но фантастично и борбено второ полувреме во кое Пандев, Елмас и другарите покажаа кој е газда во Скопје.

Шведската јавност речиси секогаш е на страната на Ибра, со кого и да е во конфликт, но овојпат ситуацијата е спротивна. Селекторот Јане Андерсон е вербално нападнат од Ибра, а Швеѓаните го бранат.

За време на еден од најинтересните натпревари од квалификациите претходниов викенд, Финска - Италија, претседателот на скандинавската земја Саули Нинисте (71) седеше на една од навивачките трибини (во црна јакна), со обичниот народ. На крајот Италијанците славеа 1-2 со гол од пенал.

По ремито против Словенија и Израел, македонската фудбалска репрезентација ја продолжува позитивната гостинска низа. Петте освоени бодови на гости нека бидат мотив плус и за реванш средбите против Полска и Австрија.

Околу 4.000 хрватски навивачи ја бодреа репрезентацијата на мечот против Словачка на кој „коцкестите“ ги прегазија домаќините со 4 парчиња во нивната мрежа (0:4). Пред и после мечот навивачите на Хрватска се забавуваа на секаков можен начин.