Го знаете клишето - таа и тој се среќаваат, се засакуваат, па нешто не штима, но сфаќаат дека ја нашле Големата љубов, и живеат среќно до крајот на животот. Жилиен Мов, француски фотограф, раскажува слична приказна, која во неговата верзија сепак нема среќен крај.

Септември е идеално време за возење точак - застудува, дупките полека се полнат со дождовница, а возачите на автомобили и градски автобуси веќе одамна го имаат потрошено доброто, постодморско расположение.

Школските клупи само што се наполнија, се одржуваат првите родителски состаноци, а децата полека сфаќаат дека целата работа со нивното образование ќе потрае, и тоа со години. Но низ тоа мачење морале да поминат и големи книжевни умови. Еве избор од нивните школски фотки.

При секојдневното орање и копање по интернетов наидуваме на навистина чудни работи. Ама оваа е една од почудните.

Уште не сме стигнале до таму, но насетуваме - ќе дојде момент кога ништо во огледалото нема да потсетува на нас. Смислил ли некој веќе такво со вграден Фотошоп?

По нашиот повик да ги фотографирате и искоментирате книгите кои ви прават друштво летово, еве ги првите четворица кои ни ги испратија нивните фаворити. Поканата уште важи!

Некој чита од сабајле, некој кога мора, а некој само летно време. Кои книги нам ни се влечеа по куфери, или уште ги м'кнеме по патишта, а кои вие?

Бразилската уметничка Анџелика Дас во својот проект под наслов Humanae ги класифицира и документира различните нијанси на кожа.

За овој проект ви се потребни: камера која се активира кога некој ќе вресне, и врескач. Останатото се фотографии од тие фини, катарзични моменти.

Фото серија на графичката дизајнерка Дина Фрајд, со наслов „Фиктивни оброци" - она што го јадат ликовите во некои од познатите дела.

Кога ќе видиме некој познат како чита биографија на некој ист таков, уште попознат, некако ни олеснува - значи не сме само ние тој „плебсот" кој ужива во ѕиркање во туѓите животи.

Вчера (16.06) во „Камарите“ беа донесени и земени стотина книги. Благодариме на сите што дојдоа, се надеваме си најдовте нешто интересно. Книгите што останаа ќе бидат донирани во двата новоотворени клуба на Црвениот крст на град Скопје.

Иако не одредивме рок, некако осетивме дека токму денес е добар ден да се објават резултатите од акцијата „Ем згодни, ем начитани“, во која ве повикавме да испраќате фотографии од згодни дечки кои читаат.

Во обид за барем делумно балансирање на родовото фенг-шуи на сајтот, и по барање на нашите читателки, избор фини дечки, што читаат, и тоа книги. Плус повик за испраќање ваши слики - таа со најзгодниот читател според вашите гласови ќе биде наградена.

Во сечиј живот има моменти кога е подобро наоколу да нема фото-апарати. Иако за некои од застапените автори веруваме дека знаеле и подобро, и повеќе отколку што е тоа регистрирано во архивите. Кога за нив велиме „сериозни“, мислиме на сериозно добри. Ако имате некоја слична од наши писатели, праќајте!

Во продолжение на темата за машката влакнетост (не, не воведуваме рубрика „Дечко на денот", барем не засега), избор од фини фотографии кои го овековечуваат моментот на контакт помеѓу мажот и неговиот бербер, кој е очигледно значаен во повеќе култури. Нешто како тимарење меѓу животните. Само што ова животно знае да ракува со брич, ножици и чешел.

Ново во серијата „образовни мачиња“ - реплики на познати сликарски дела. Нели се слатки?

Секогаш ми бил истовремено и меланхоличен и некако убав моментот кога некоја просторија, до скоро полна со луѓе кои се забавуваат, одеднаш се празни. Енергиите на исполнетите желби и изневерените очекувања сепак се сè уште тука, и кружат, како духови.

Џејсон Ли е фотограф кој парите ги вади од сликање венчавки и невести пред свадба. Џејсон има и две ќерки. Кога не можел да ги однесе ќерките да ја видат мајка му (која била дијагностицирана со рак), Џејсон почнал да ги слика малите. И уште не престанал.

Вчера пак се собравме во „Пепер" и јадевме книги. Супер си поминавме.