Лекарите минуваат низ години учење на материјалот, но едно нешто како да недостасува во програмата - барем скратен курс по краснопис. Додека некому не му текне да го воведе, Гугл ќе се обиде да им дешифрира што пишува на рецептите на фармацевтите и на пациентите. 

Болничар кој се пожалил дека е присилен да работи и покрај тоа што е заразен со коронавирус, е во критична состојба откако викендов паднал од прозорец од болница во западна Русија.

Додека времето почна да се пресметува од една до друга прес-конференција, лесно се заборава дека на терен докторите и медицинските лица уште малку ќе прават еден месец (барем кај нас) како непрестајно, со хокеарски измени, даваат сè од себе за бројките што се соопштуваат на прес-конференции да бидат што е можно помали и помалку трагични. Сето тоа се одвива во 8, 10, 12, 24 и којзнае колку часовни смени, во кои секој од нив мора да носи најмалку маска на лице како заштита.

13-годишно дете со тип-1 дијабетес умира откако неговите родители го носат на хербалист (тревкар), кој му го укинува инсулинот и му препишува масло од лаванда што родителите требало да му го мачкаат по 'рбетот. Наодот на судскиот вештак покажува дека детето ќе останело живо ако добиело соодветна докторска нега.

Над 500 доктори и уште 150 студенти по медицина, потпишаа јавно писмо до канадската влада во кое протестираат против покачувањето на докторските плати. Доста им е плата, нека има и за другите.

На една клиника во Сантијаго, главниот град на Чиле, за време на оперативен зафат докторите ги гледаа пеналите на мечот Португалија - Чиле во кој славеше нивната репрезентација.

Докторите се посмртоносни за пациентите отколку докторките, ако целата нивна работа се сведе на бројки и чиста статистика.

Фармацевтските, како и компаниите за медицинска опрема во САД, продолжуваат да им плаќаат на доктори како на промотори и експерти-советници, дури и во случаи кога овие претходно одговарале за сериозни прекршоци.

Колку повеќе заработува докторот, толку е поверојатно дека никогаш во живот повторно не би ја одбрал својата професија. А, ако планирате да ја фатите оваа работа, бирајте ортопедија и не прашувајте.