Кога на астал ќе седнат три „н'рда“ за читање и пишување, брзопотезно ќе го џапнат греаното вино и кашкавалчињата (со урми и ореви) и едната од нив ќе праша - „А што е ова на полицата?“, тогаш може да се случи необичен синхроницитет. Во паралелниот свет на таканаречената фикција таа (фикцијата) да добие породилни болки и од неа да почнат да излегуваат мали „фиктивчиња“, до тогаш делумно формирани во потсвеста, кои едвај чекале да се родат. Мезето всушност било за нив.

Една од најпопуларните друштвени игри подразбира заземање територија, градење, собирање и размена на ресурси и секако - победа. Доволно елементи за да може според неа да се направи нешто гледливо и препознатливо, барем за оние што ја играле. Оние другите, фатете се за коцка!