Бора: Еве нè, а после ќе кажат дека Србите и Хрватите не се сакаат. Јурица: Џони е Македонец.

„Синан е рокенрол. Тоа не може да биде сељана,“ пишавме некаде во 2018 година кога се одјави најголемиот во паралалениот андеграунд. Да додадеме уште некој пиксел во големата слика: татко му свирел во воената филхармонија во Загреб, тој редовно одел во ашрамот на Саи Баба а неговата публика се има самоповредувано како на концерти на Иги Поп. А дека бил тажен и несреќен човек, тоа претекуваше од песните.

За преработките на Џони Кеш еднаш напишавме дека нема песна што тој ја има обработено а да не е подобра од оригиналот (за разлика од оние на другиот Џони, Штулиќ, кај кого секоја обработка е пошкарт). Бидејќи животот е краток макар траел и 71 година како кај Кеш, човек не може да успее сите песни да ги облагороди. Затоа е тука вештачката интелигенција без која немаше да чуеме ваква „Barbie Girl“.