Џони Кеш и сè е подобро

За преработките на Џони Кеш еднаш напишавме дека нема песна што тој ја има обработено а да не е подобра од оригиналот (за разлика од оние на другиот Џони, Штулиќ, кај кого секоја обработка е пошкарт). Бидејќи животот е краток макар траел и 71 година како кај Кеш, човек не може да успее сите песни да ги облагороди. Затоа е тука вештачката интелигенција без која немаше да чуеме ваква „Barbie Girl“.

********

Џони Кеш ја пее Тејлор Свифт?

Луди, луди работи. Со помош на вештачката интелигенција, можеме да слушнеме како би звучел хитот на Тејлор Свифт, Blank Space, кога би го пеел гoсподарот на долните октави, Џони Кеш. Неговите фанови ова ќе го сметаат за тешко богохулие, ама за среќа, таков отпор не се очекува и од фановите на Свифт - тие и не знаат кој е Џони Кеш.

*********

Кое е твоето оправдување што не го слушаш Џони Кеш?

објавено: 14 јуни 2024 - 13:02