Вести › Набрзинка

Бора Чорба се отпиша

4 септември 2024

По компликација со функционирањето на белите дробови (имаше хронична опструктивна белодробна болест), во клиничкиот центар во Љубљана почина 72 годишниот Бора Ѓорѓевиќ, лидер на групата Рибља Чорба.
Беше еден од трилингот големи индивидуалци на музичката сцена на овие простори, заедно со Штулиќ и Бреговиќ, секој од нив со својата креативна габаритност и со свои мушички.
Бора знаеше да го подизгуби компасот во турбулентните воени години во поранешна Југославија и да влегува во лоши филмови.
Роден е во Чачак во 1952 година, последниве години живееше во Словенија со неговата последна љубов и сопруга, Дубравка.
Остави многу песни кои ги пејат и денешниве млади. Ако.

Ravnodušan prema plaču
I konačno sasvim sam
Obožavam ilovaču
Ne može mi ništa šljam.

извор

САД ги повикаа своите службеници итно да го напуштат Израел

27 февруари 2026

Амбасадата на САД во Израел ги повика сите вработени што не се на клучни позиции итно да ја напуштат земјата заедно со семејствата, поради можен американски воен напад врз Иран.
Амбасадорот Мајк Хакаби им препорачал на службениците да купат билет за „било кој лет надвор од Израел“, а потоа да продолжат до Вашингтон.
„Оние што ќе прифатат овластено заминување треба да го сторат тоа денеска. Може да има летови и во наредните денови, но можеби ќе нема“, предупредил амбасадорот.
Причината е јасна – при евентуален американско-израелски напад врз Иран, се очекува Техеран да нареди одмазднички напади врз Израел.
Додека американски и ирански делегации преговараат во Женева за иранската нуклеарна програма, САД концентрираа силна армада близу Персискиот Залив - два носачи на авиони и бомбардери во воздухопловните бази на Блискиот Исток. Последните информации од Женева се дека преговорите биле „позитивни“ и дека е постигнат напредок.

извор